芝士冰室 (已結業)

之前香港好似得一间芝士捞面专门店，但佢啲分店越来越少... 好彩今次比我喺深水埗原来都有间芝士面专门店！！ 超开心即刻去会一会佢!佢地既芝士捞丁个芝士汁系用咗五种唔同嘅芝士MIX埋，之后个芝士汁仲可以加其他口味：咸蛋/南洋/蒜香/麻辣。我哋呢次就试咗招牌同埋蒜香。面底除咗公仔面仲可以拣意粉、通粉、螺丝粉同埋稻庭乌冬，不过稻庭乌冬就要加钱先有。配料方面我哋拣选咗蜜糖煎鸡扒同埋芝士汉堡扒炒蛋，前者皮脆肉嫩，有蜜糖嘅香甜，令鸡扒食落更嫩滑更多汁。而汉堡扒有香脆嘅外表入面有流心芝士作馅料，仲可以拉丝。炒蛋嫩滑同芝士捞面好夹。招牌流心芝士包：呢个包有满满嘅芝士，一定要趁热食佢啲芝士就可以做到流心效果。我地仲加钱饮呢个芝士奶盖蜜桃乌龙茶，佢个芝士奶盖好绵密，有好重嘅芝士香味，蜜桃乌龙茶茶味都好香浓，仲有阵阵蜜糖所带嘅香甜清新嘅味道，令整杯饮品变得更清新。好啱食完咁多芝士嘅时候饮。