龍鳳食堂

营业中

休息中

网上面见到好多人都推介呢一间茶记，今日难得入到嚟荃湾做嘢，一于试一试呢间😁又估唔到好有惊喜㖞，我自己就系一个芝士控，见到芝士捞公仔面，一定必点，食物嚟到，哗哗声，劲多芝士铺晒喺面，芝士味超香超浓烈，上面仲有火腿，捞埋一齐真系好好味！再配埋烧魂奶茶，真系将工作嘅压力全部带走晒！ 同事就拣咗菠萝包配红豆冰，都系好有惊喜㖞！个菠萝包好大个，见到超足料，菠萝脆脆喺晒面，热辣辣真系几好味，再配埋地道红豆冰，简直系完美嘅配搭！ 今次试呢间新嘢几有惊喜，同埋见到佢晚饭都有好多唔同嘅选择，下次一于再试试先😁