麵包新語 (佐敦薈)

营业中

休息中

秋冬季节总有很多餐厅都会推出好多不同芝士嘅菜式，而我呢个芝士控当然唔会错过每一个机会，我基本上一见到唔同嘅芝士食物我都忍唔住去试。而今次BreadTalk亦都推出咗以芝士为主打嘅面包同埋蛋糕令到我呢个芝士控真系洗哂口水。店外已经见到展示咗一个非常抢眼广告宣传，远距离都见到新推出嘅芝士面包。个人都引唔住试佢几款芝士面包。蛋糕冻柜亦都非常多款式，最后我就拣咗两款面包同埋呢个柠檬芝士蛋糕。拿起芝士老实讲其实改个名𠮶个人都几有谂头，因为呢个面包真系好似拿起咗一个好浓郁嘅芝士。味道方面亦相当之唔错每一啖都食到芝士嘅酱汁，而我食之前就叮咗10秒令到面包更加之软熟，真系远距离都闻到佢嘅芝士香味。跟住就到柠檬芝士蛋糕，芝士非常之香浓滑溜，而加上表面嘅柠檬酱令到食起上嚟唔会话好油腻，反而加咗一点清新感觉，最重要甜度刚刚好。巴马城鸡肉，面包个名都几特别，佢亦非常足料，每一啖除咗有芝士之外就是鸡肉，味道都唔错。希望下次有机会食埋其他芝士嘅面包啦。