半熟工房 (東港城) (已結業)

早轮买左呢件半熟木糠芝士蛋糕黎试,  $36一件~ 呢个木糠蛋糕系列本身有四个味道, 有芝士, 抹茶, 朱古力同埋Oreo味, 因为呢间工房出名芝士好味, 所以我最后都系拣左芝士味啦! (其实都想试Oreo味架..留番下次吧)...同埋其实佢有整个装咁卖, 好似2百几蚊一个~ 呢件蛋糕食落几正丫, 面层舖满d木糠, 蛋糕入面分左3层, 头2层系两种味道同口感都唔同既芝士, 第3层就系海棉蛋糕黎~ 睇返d介绍, 第一层应该系意大利软芝士, 第二层就系美国忌廉芝士~  加埋既芝士味好香丫! 海棉蛋糕果层都好软熟~ 成件蛋糕轻盈细滑得黎又有d木糠脆脆地咁, 都几得意丫. 食一件查实唔多够喉, 下次可能要放低多d银两买成个黎食...