必勝客

营业中

休息中

Pizza Hut又出新嘢啦， 呢期系近排好兴嘅咸蛋黄酱所研发嘅Pizza菜式， 而由于近期佢又有呢个芝士火锅推出，搞到真系唔知食边样嘢好，既然谂到头都爆，咁不如就两个都叫晒啦！咸蛋黄酱芝心批-软壳蟹天王今期嘅pizza有两款，一款系万人迷唐扬鸡，另一款就系我哋嗌咗嘅呢一款软壳蟹天王，材料有大虾，软壳蟹，洋葱，青椒，橄榄，鱿鱼同火箭菜。整体上食嘅pizza食落系唔错嘅，蛋黄酱嘅味道都几突出，软壳蟹唔醒， 大虾都够弹牙， 火箭菜甘甘凉凉， 最后系个夹住芝心嘅外皮边，芝味十足亦都脆脆地， 加上咸蛋黄酱嘅蛋黄味， 成个pizza嘅味道百感交集， 只系嚟到嘅时候个pizza唔够热， 如果热啲就更加好食啦。星级瑞士芝心锅大虾，面包，香草香肠带子，薯条，炸鸡对于呢一个星级芝士火锅，我个人系好失望嘅 ，呢个芝心锅完全唔够芝味， 虽然佢个芝士酱好杰，但芝士味真系冇， 以作为一个好钟意食芝士嘅人嚟讲，简直完全唔觉得食紧芝士，而配料嚟讲，只有大虾弹牙系可取既，其他配料可以话系冇咩突出之处， 只可以叫食物，唔可以叫美食。