吉野家 (粉嶺名都商場)

营业中

休息中

呢日开呢头，就谂住食个饭先出番去。见呢度有个位，就买个饭黎食。最近，佢地推介既系芝士牛丼。有好多芝士面，都几好食既。芝士牛丼系牛肉饭再加三层芝士，系咩芝士？恕小弟无记性，唔记得系边几只。不过唔紧要，芝士溶左落去会整到一丝丝架。送牛肉饭系几夹架，芝士既份量算几多。而且牛肉既数量算几多，而且都算几淋既。个饭都好烟韧，呢餐都唔错。冻奶茶虽然无出面既快餐店既好饮，但呢间既质素都不俗既。最小都有茶味，唔会一味得个奶味。呢餐都食得好满足，野食质素都几好。点都会有下次既。