意蠔屋 (已結業)

今晚又同男朋友去大围觅食。谂咗好耐都唔知食咩，所以就好随意地拣咗依间餐厅。依间小小嘅餐厅只有20几个位，枱与枱之间距离好近，所以会坐得比较迫狭。今晚拣咗两个晚餐套餐，套餐包餐汤、主菜及餐饮。先送上餐汤，一红一白。一放上枱，就觉得。。。好细碗，唔系净系我咁讲，连隔离枱嘅客人都话好少。白汤饮落去好杰，而且有好多胡椒味，亦都有啲不明嘅蔬菜，不过都接受到嘅，唔算难饮。至于红汤，一般般。主食分别拣咗芝士焗带子大虾螺丝粉同烧汁牛柳杂菇意粉。个芝士焗粉有两粒带子同三只大虾，有劲多芝士喺上面，捞埋一齐食之后劲拉丝，对于喜欢食芝士嘅人嚟讲，系超超超正！！烧汁牛柳杂菇意粉嘅牛柳煮得啱啱好，唔会过熟，都几好食。