影片
更多
2018-03-19
80 浏览
好挂住呢度既唔知咩鱼定食同缺饼拼盘，特登返黎食，点知林屋定食卖晒。咁我地试下金錭定食啦 ($88)。原来鲷鱼比鳗鱼肥美好多，一旧鱼有4成都系鱼油/肥膏，外皮少少既甜味烧汁同鱼油味道融合左，两样都甜，但系一d都唔漏，入口即溶，溶左仲会系口入面一路飘香，简直唔舍得吞落肚。咁香浓既鱼油居然唔会盖住茶味饭既香味，d饭无乜甜味，而系充满香片/铁观音茶味，茶味突出到好似铁观音雪糕咁，系其他餐厅无既味道。宜家觉得茶渍饭真系小儿科。我地又点左原条鳗鱼定食 ($98)，只系比錭鱼贵10蚊，但系鱼既份量多1/3，比较之下好抵食。今次烧得唔够淋，鱼肉系爽口既，似中式蒸白鳝，好彩味道仲系日式既，调味同鲷鱼一模一样，少少酱油多多鱼味，只系鳗鱼多d肉食，鱼油/肥膏少好多，总之质素都系好高，份量系足一条鱼，好满足。拣鳗鱼定錭鱼就睇你钟意鱼肉定鱼油多d，我两样都钟意。一人食左一个定食都唔多饱，餐厅好应该考虑下提供添饭，白饭都好吖。点多个甜品。上次试特制拼盘非常满意 (有一球抹茶雪糕、白玉馅蜜、缺饼、垫底大菜糕)，今次试新野，点左抹茶芝士蛋糕，连一球雪糕同白玉馅蜜 ($88)，点知大失所望。雪糕最好味，系溶得快左d，白
好挂住呢度既唔知咩鱼定食同缺饼拼盘，特登返黎食，点知林屋定食卖晒。咁我地试下金錭定食啦 ($88)。
原来鲷鱼比鳗鱼肥美好多，一旧鱼有4成都系鱼油/肥膏，外皮少少既甜味烧汁同鱼油味道融合左，两样都甜，但系一d都唔漏，入口即溶，溶左仲会系口入面一路飘香，简直唔舍得吞落肚。
咁香浓既鱼油居然唔会盖住茶味饭既香味，d饭无乜甜味，而系充满香片/铁观音茶味，茶味突出到好似铁观音雪糕咁，系其他餐厅无既味道。宜家觉得茶渍饭真系小儿科。
我地又点左原条鳗鱼定食 ($98)，只系比錭鱼贵10蚊，但系鱼既份量多1/3，比较之下好抵食。今次烧得唔够淋，鱼肉系爽口既，似中式蒸白鳝，好彩味道仲系日式既，调味同鲷鱼一模一样，少少酱油多多鱼味，只系鳗鱼多d肉食，鱼油/肥膏少好多，总之质素都系好高，份量系足一条鱼，好满足。拣鳗鱼定錭鱼就睇你钟意鱼肉定鱼油多d，我两样都钟意。
一人食左一个定食都唔多饱，餐厅好应该考虑下提供添饭，白饭都好吖。
点多个甜品。上次试特制拼盘非常满意 (有一球抹茶雪糕、白玉馅蜜、缺饼、垫底大菜糕)，今次试新野，点左抹茶芝士蛋糕，连一球雪糕同白玉馅蜜 ($88)，点知大失所望。雪糕最好味，系溶得快左d，白玉好有糯米味，最失败系件蛋糕，细件都算啦，合埋眼食应该会以为系普通芝士蛋糕，芝士味唔够浓，抹茶粉又落得少，无茶味咁滞，唔掂！
一般帮衬呢d甜品cafe都预左每人一个主菜、一个甜品就食得饱，我地仲要出去饮天仁茗茶，份量太少，性价比太低喇，唔建议成日黎。
张贴
