freshtea by happylemon (創紀之城五期(apm)) (已結業)

Apm内的手摇饮品店越开越多，今次试呢间Freshtea by Happylemon, 佢的位置正正对住某大型生活用品店，都易揾。呢间见就见得多，但帮衬都系第一次，见佢饮品选择都多，而家仲有size选择，呢样我几buy. 今日我同朋友行商场，行足几个钟，咁就梗系买大size一边行一边饮啦。我拣左芝士蜜香红茶，朋友拣左黑糖奶茶加红豆、珍珠。芝士蜜香红茶：我觉得最好味系个茶！甜甜地，有阵阵蜜香味，唔会好涩，好啱女仔饮。芝士的味道好重，一齐饮好似饮紧芝士奶茶咁。黑糖奶茶加红豆、珍珠：佢地黑糖奶茶唔会好甜，可能因为朋友叫左少甜关系，感觉比较健康！珍珠口感都唔错，好有咬口。加埋红豆口感更得意，一啜两种口感同时出现在口腔。红豆都煮得几林，加埋珍珠的弹牙，一齐𡁻，系好有趣。