OPPA Coffee Bar Restaurant

营业中

休息中

圣诞连假前夕嚟韩国街揾食，佢餐厅门口贴满餐牌同相，见到芝士影到超拉丝先比佢吸引左入去。下午三点几时段一入去就有位，店比较细，枱同枱之间都唔系话太阔落，二人枱嘅话连摆袋嘅地方都无。其实餐厅食物种类都算多，但由于都下午茶时间，所以两个人都系叫左两样嘢。-🍽芝士炸鸡真系好邪恶好吸引，拉丝得好交关，芝士味浓郁，唔会话一阵就冻晒硬晒。同埋份量都好大，二至四人食都无问题。-🍽泡菜炒虾就唔多推介，虾大概得5,6只，有好多红萝卜丝同芽菜，泡菜都唔系话咁多，五花腩切得极薄仲要好难先揾到。但味道就颇浓，虽然唔太揾到泡菜但食落好重泡菜味，比泡菜凌驾晒所有食材嘅鲜味。整体而言，芝士类嘅食物质素都应该唔差，其他枱好多都会order，而且芝士全部都落得好重手。但各式食物既价钱相对黎讲唔太值，成条街都有好多韩式铺头外卖主食小食，价钱只系佢嘅一半甚至系3分1。性价比略低，份量用料味道环境同服务都唔太比得上价钱。