夏茶 (順豐大廈)

营业中

休息中

话说呢几日又暖返，想食同饮啲冻嘢。所以嚟到元朗嘅 @hachahk ，据说佢嘅开心果饮品几出名，一于试试。芝士开心果雪沙 $48饮品顶部系招牌嘅海盐芝士奶盖，忌廉芝士咸香十足，质感细致绵密，仲有啲开心果碎增加口感。饮品下层系开心果雪沙，应该系牛奶沙冰底再加上开心果酱。开心果源自日本，非常足料，挂满杯边，令人彷如进入「绿荫里，草坡上～」搅匀就可以饮，入口开心果味确系浓，雪沙质感算细致，唔会食到明显硬角角嘅冰碎，但奶味唔算好浓，加埋有啲似特浓嘅开心果奶昔。甜度系固定嘅，个人觉得都甜咗少少，但未至于接受唔到。整体而言，佢做到晒佢应该有嘅嘢，但未至于好惊艳，价钱都唔算平（当然开心果本身都唔平），钟意开心果嘅可以一试。