桃子Cafe (已結業)

2019年最后一餐要食好D。朋友好钟意日本，今日就同佢「返乡下」，回味下日本美食。呢一间专门食蛋包饭， 黎到当然要试试。晚餐$98有set，包饭、饮品同埋甜品。作为芝士爱好者，好快就谂好叫咩，叫咗咖喱芝士汉堡蛋包饭。日本咖喱偏甜，仲有少少红萝卜做配料，正正常常。只蛋好滑，仲有少少蛋汁，超级好味。芝士放咗喺汉堡扒上面，芝士嘅份量绝对唔吝啬，可能食得太耐佢凝固左，可以一细嚿咁样食。汉堡扒劲厚身，食到好饱，但亦因为厚身所以咁煮落有少少嚡。整体成个饭有好多适合配饭嘅原素，每一样加埋就令到成个饭都好好味，甚至嫌饭太少。为咗只蛋，绝对有下一次。