美心西餅 (已結業)

新出既黑芝麻口味!我屋企人专登订左一个番屋企,系庆祝复活节既节目。蛋白质蛋糕软绵绵,好得意,比普通蛋糕少左蛋味,但系都好好食,[感觉上会觉得多左空气,但系唔知实际系唔系呢?呢款口味最好味既部分,我认为系比较近底层既芝麻酱,好香好有芝麻味,同上面一层黑芝麻慕司唔同,上面个层比较似啫哩既口感,亦无咁香,我无咁钟意。呢个蛋糕忌廉唔多,岩晒我!而我屋企人最钟意既系个杏仁饼底,妈咪同细妹都话又香又脆好好味,但系我觉得只系麻麻,而且咁鬼硬,ok啦!整体而言,个蛋糕属ok,不过我估芒果味会好味一点。