喜滿樓菜館

营业中

休息中

以前一家人成日去山林道太湖食晚饭，最爱食佢地嘅芝麻鸡同焗鱼肠。虽然太湖已结业好耐，仍然好回味那种味道。朋友推介去土瓜湾喜满楼食饭，喜出望外呢度都有芝麻鸡同焗鱼肠。焗鱼肠限量供应，好彩仲有一份留比我哋食。我哋分别叫芝麻鸡、古法焗鱼肠、鸡油炒豆苗、椒盐白饭鱼、水煮东星斑、腊味炒饭。整体味道出品好、价饯合理，值得推介。招牌芝麻鸡系招牌菜，皮香脆肉鲜嫩，原来鸡都可以黏上芝麻，再黏上芝麻酱有入口即溶的味道。古法焗鱼肠味道一流没有腥味，仲有阵阵果皮香。最惊喜系个腊味炒饭炒得干身香口，仲以为食紧生炒糯米饭。好难比较味道，但呢度绝无去错。