Cafe Addict (已結業)

今日特登去佐敦买啲嘢，顺便约朋友去附近行吓街，行到有啲攰谂住喺附近揾啲嘢食下，即刻上OpenRice搜寻一下，无意中见到附近有间西餐厅都几吸引，所以即刻去试吓。Cafe Addict 地址喺佐敦弥敦道221号地舖。餐厅装修得好整洁，好有格调，最适合就系坐低倾吓计食啲嘢。芝麻薄炸鸡翼 $58元，鸡翼炸到金黄色，整只鸡全翼望落去都好香脆，鸡皮上面加咗少少芝麻，增添口感同味道层次，入口味道好香好松脆，鸡翼入边仲保留到肉汁咬落去仲系好Juice，鸡肉肉质仲系好嫩滑，做得非常好，相信厨师有一定嘅水准鲜茄酱虎虾球蝴蝶粉 $108元，第一次食蝴蝶粉，望落去真系好特别，入口口感比一般意大利粉同通粉更加爽口，好钟意呢个口感好好食。虎虾嘅size都好大只，煎到外面好香脆，但系肉质仲系好爽口弹牙，香味浓郁，蝴蝶粉吸收左虾嘅鲜味，蕃茄嘅香甜味，再配埋少少香料味道，味道层次非常丰富。呢个蝴蝶粉真系必食嘅推介，绝对系有惊喜。最后点左杯咖啡，咖啡味道都几香浓，入口好幼滑，啱我口味。