影片
更多
2024-02-08
2482 浏览
早前想话去强记小厨，点知系门口听到一位女士同侍应以下对答...."请问无订枱有无位呀?""无!""咁..... 系门口等枱又得唔得呢?""无位! 爆埸!"如果转去水记.心有不甘，想睇睇强记有咩噤把闭，于是 WhatsApp 佢地订枱，会一会佢地.上网睇食评，负评较少正面评价多，年尾流流希望我食完都可以俾个好评啦!强记小厨开系一处位于被建筑五金材料包围嘅店舖，果头麻甩佬较多，一到六点邻近D店舖开始关门变得水静鹅飞乌灯黑火车都唔多架.入到餐厅，见到全部餐枱都放上 "留座" 标示，餐厅放上4~5张大餐枱环境变得唔太阔落.原本点烧生蚝同烧羊架，点知烧炉坏咗，所有烧物停售!结果点椒盐豆腐，果皮蒸鲍，上汤龙虾伊面同芝麻鸡.香港餐厅卖椒盐豆腐都有几款，有D大粒，有D外层炸过都唔系脆口，强记哩款椒盐豆腐系自己中意口味，外层香脆内层软滑，只系冻咗D唔够热，份量比预计中少.果皮蒸鲍蒸到啱啱熟唔过火，口感唔韧其中一个原因系鲍鱼身上切上多刀，令鲍鱼唔会太结实，只系豉油失色，唔系甜豉油，豉油份量亦不足.上汤龙虾伊面上汤够浓郁，浓郁到重味咗D，值得一赞系龙虾肉够弹牙，份量足无偷工减料，其他餐厅D龙虾伊总系虾肉不足
"请问无订枱有无位呀?"
"无!"
"咁..... 系门口等枱又得唔得呢?"
"无位! 爆埸!"
如果转去水记.
心有不甘，想睇睇强记有咩噤把闭，于是 WhatsApp 佢地订枱，会一会佢地.
上网睇食评，负评较少正面评价多，年尾流流希望我食完都可以俾个好评啦!
强记小厨开系一处位于被建筑五金材料包围嘅店舖，果头麻甩佬较多，一到六点邻近D店舖开始关门变得水静鹅飞乌灯黑火车都唔多架.
入到餐厅，见到全部餐枱都放上 "留座" 标示，餐厅放上4~5张大餐枱环境变得唔太阔落.
原本点烧生蚝同烧羊架，点知烧炉坏咗，所有烧物停售!
结果点椒盐豆腐，果皮蒸鲍，上汤龙虾伊面同芝麻鸡.
香港餐厅卖椒盐豆腐都有几款，有D大粒，有D外层炸过都唔系脆口，强记哩款椒盐豆腐系自己中意口味，外层香脆内层软滑，只系冻咗D唔够热，份量比预计中少.
果皮蒸鲍蒸到啱啱熟唔过火，口感唔韧其中一个原因系鲍鱼身上切上多刀，令鲍鱼唔会太结实，只系豉油失色，唔系甜豉油，豉油份量亦不足.
上汤龙虾伊面上汤够浓郁，浓郁到重味咗D，值得一赞系龙虾肉够弹牙，份量足无偷工减料，其他餐厅D龙虾伊总系虾肉不足唔知去咗边.
芝麻鸡最满意，面层铺满芝麻，鸡肉嫩滑，唔需要点任何酱汁已经好好味，不过餐厅都无提供酱汁，如果有惹味葱蓉就更正!
我地坐近门口，见到不停有D无订枱嘅 Walk in 客走入嚟问有无位，个个问完之后都露出失望表情，所以如果要帮衬必须要订枱.
张贴
