一風堂 (朗豪坊) (已結業)

父亲快到，放假紧系出去行街拣父亲节礼物啦，买完礼物睇下表先知原来已经够钟食饭，男朋友话想食拉面，由于旺角区加上食饭时间，我地无再特别去揾拉面店，我地拣左一风堂，等左大约10分钟已经有位，我地叫左黑拉面$78，一风堂辣肉拉面$76，炸紫菜墨鱼须$35，芫茜饺子$45/6件，等野食期间我见到枱面上有生蒜提供，实在太好了，好快芫茜饺子已经有得食，饺子个跟埋一兜汁，原来系一口饺子黎，芫茜放系上面，配埋个芫茜汁，一啖放入口，啲味好夹，啲汁酸酸地，又唔会太劲芫茜味抢晒啲酸味，炸紫菜鱿鱼须炸得唔会太油，但如果多啲紫菜碎就会更香，细细粒唔系一大条都几好，唔会太难吞，配埋个他他酱都不错，但拉面就稍为要等多一阵，拉面黎到既时候，我地问职员拎左啲生蒜黎配拉面，仲夹左枱面上提供既芽菜黎配拉面，黑拉面汤底香浓猪骨汤，呢间店既拉面系幼面，可能我落单既时候无要求面质要硬，就有小小偏林，至于一风堂辣肉拉面面身一样，但汤底亦都系猪骨汤底，个辣酱唔会话特别好似，唔似地狱拉面个种辣，再加埋生蒜同辣芽菜，简直一流，下次会再试下其他小食。