Maki拉麵 (已結業)

见芫茜谷介绍过即刻黎试下，话晒都系芫茜控吖嘛，无理由唔黎食。两点几黎到，店内有五、六枱客，个个都系一坐低就叫碗拉面同串烧，完全唔使睇餐牌，睇黎全部熟客黎㖞。店员送上螺肉、冷水同落单字，拉面有四款常注同两款期间限定，第二版有串烧、小食同饮品等。芫茜猪骨汤拉面点单后约十分钟就有得食了，一上枱见到咁多绿色真心正，满满的芫茜啊～除咗芫茜，仲有鸡肉卷、蟹棒同一只紫色溏心蛋。只蛋好特别，外面深紫色，入面劲流心，甜甜地仲好有蛋味。汤底好香芫茜味，拉面有咬口，好食好食。太正，饮晒全碗汤。烧鸡皮个个客都叫串烧，唔执输整返两串先，烧得香口脆卜卜，咬落满口鸡油好正。玄米茶天气咁热整返支冻茶，无糖茶饮多啲都无压力。樱花虾辣椒油原来小店满一周年，食拉面有辣椒油送，隔离熟客话支油好正，佢日日黎食碗面，储多几支辣椒油。