SMILEY CAFE with eGG (已結業)

食饱饭朋友话想食甜品 ，记得之前呢间舖既位置系间糖水舖，黎到发现已经变咗呢间新cafe ，见到menu话有甜品食，于是都谂住试下 ，入到去见到有好多唔同种类嘅嘢食，有正餐又有甜品，但系由于我哋已经食咗晚饭，所以我哋净系叫咗甜品，我地最后叫咗一份心太软同埋一杯朱古力芭菲，心太软黎到已经穿咗窿，啲朱古力酱流左部分出黎，有啲唔开心 ，不过可能已经比较晏，铺头应该差唔多关门，所以冇时间整过第二个俾我地，呢点我哋都体谅嘅，味道就不过不失唔错既，心太软会有杯软雪糕配埋，软雪糕既奶味好香浓， 朱古力芭菲好多嘢食，有朱古力脆米，有咖啡啫喱糖，透明嘅啫喱，仲有蛋糕，朱古力啫喱糖烟韧韧好好味，成杯朱古力芭菲嘅口感好丰富，有烟韧韧嘅啫喱糖，有脆卜卜嘅朱古力脆米，又有软淋淋嘅蛋糕，最上面既雪糕慢慢用咗落去加埋中间啲cream，配合得好好，而且唔会太甜，好好味，比起出面一般既芭菲，佢哋明显做得有心机好多， 两样嘢食total食咗139蚊~