芯 (已結業)

之前都听过好多人介绍呢间日本餐厅🍴今次终于嚟试吓佢哋嘅lunch set，未坐低嗌餐个服务员已经好好招呼，叫完餐之后服务员仲问我哋餐饮需唔需要少冰，我觉得好细心好窝心嘅服务，同埋见到佢哋当有一台客离开，佢哋都会即刻用消毒清洁🧽张枱，我觉得呢度值得加分👍🏻烟三文鱼明太子扁意粉🍝有少少微辣，令你开胃，扁意粉弹牙，份量啱啱好唔太多亦唔太少。夏威夷海鲜井里面有三文鱼粒同埋吞拿鱼粒，切到细细粒，等你容易入口，亦有牛油果蓉，捞埋刺身一齐食，令口感好清新。蕃茄咖喱汤蕃茄打蓉伴咖喱汤，再配一啲茄子，味道口感浓郁。巨峰提梳打阵阵清新嘅巨峰提子味道，配有气梳打，味道清新一流。