影片
更多
2024-06-16
1337 浏览
「北京道1号」嘅餐厅个卖点就喺有个维港景，今晚嚟到8楼嘅「花楽」，就喺老友负责嘅航天项目顺利完满结束，所以，一于食番一餐好嘅当喺贺贺佢又好，壮吓声威又好，总之，趁啲藉口聚一聚！踏入餐厅，环境几大，楼底比较高，所以，空间感十足；而装修有别一般居酒屋般和风风格，相反，比较摩登时尚，尤其啲天花灯同干花装饰，都睇得出花咗唔少心思。配以柔和嘅灯效，整体感觉几有气氛。我哋被安排坐晌靠窗嘅大梳化卡位，既阔落舒服，又有个维港景，睇到1881（旧水警总部）、文化中心，景观开扬，个人觉得喺最佳位置。此外，原来呢度有现场音乐伴唱，更可以点歌，逢星期三、五、六，撞啱今晚就喺，听住音乐食吓嘢，都几好架。餐厅采用二维码落单，介面易用，分类跟番餐牌一样。既然定位为居酒屋，食物嘅选择就自不然多，翻开一版又一版，有沙律、先付、刺身、寿司、卷物、天妇罗、扬物、一品料理、烧物、串烧、锅物、石锅饭、饭面、茶渍饭、汤品、甘味……等等一应俱全。食日本嘢，除欣赏食物之外，啲餐具都比较靓，值得多欣赏一下。讲咗咁多，依家就去片，睇吓今晚我哋食咗乜！厚切宫崎烟肉黑糖酱烧 $98第一道菜无晌先付度拣，反而睇啱晌烧物中嘅厚切宫崎烟肉，卖相有
踏入餐厅，环境几大，楼底比较高，所以，空间感十足；而装修有别一般居酒屋般和风风格，相反，比较摩登时尚，尤其啲天花灯同干花装饰，都睇得出花咗唔少心思。配以柔和嘅灯效，整体感觉几有气氛。
我哋被安排坐晌靠窗嘅大梳化卡位，既阔落舒服，又有个维港景，睇到1881（旧水警总部）、文化中心，景观开扬，个人觉得喺最佳位置。
此外，原来呢度有现场音乐伴唱，更可以点歌，逢星期三、五、六，撞啱今晚就喺，听住音乐食吓嘢，都几好架。
餐厅采用二维码落单，介面易用，分类跟番餐牌一样。既然定位为居酒屋，食物嘅选择就自不然多，翻开一版又一版，有沙律、先付、刺身、寿司、卷物、天妇罗、扬物、一品料理、烧物、串烧、锅物、石锅饭、饭面、茶渍饭、汤品、甘味……等等一应俱全。
食日本嘢，除欣赏食物之外，啲餐具都比较靓，值得多欣赏一下。讲咗咁多，依家就去片，睇吓今晚我哋食咗乜！
厚切宫崎烟肉黑糖酱烧 $98第一道菜无晌先付度拣，反而睇啱晌烧物中嘅厚切宫崎烟肉，卖相有啲似港式叉烧，但味道跟口感都好唔同，啲宫崎烟肉咬落肉质喺烟韧好多，但又有啲弹牙感，味道方面有浓浓嘅烟熏香味，就好似平常食烟肉咁，虽然喺厚切，但唔会好咸，因为加咗黑糖酱去烧，刚好有平衡之效。
厚切宫崎烟肉黑糖酱烧
$98
8 浏览
0 赞好
0 留言
吉列炸蚝配黑松露酱 $98仲喺前菜阶段，再嚟喺一客吉列炸蚝，啲蚝就无标明嚟自边度，不过，蚝鲜味十足，又炸得外层十分香脆而唔喺好油腻，沾上少少黑松露酱，阵阵黑松露嘅香气，令炸蚝有种锦上添花嘅升华感，
清酒煮蚬 $138食咗两道前菜，再落嚟喺两道海鲜菜式，先分享清酒煮蚬，啲蚬非常大只，唔喺啲蚬仔，所以，睇落啲蚬肉厚身饱满，入口味道鲜甜，质感柔韧，食得出喺新鲜靓货，又完全无沙，而且，慢慢渗出淡雅嘅清酒香，好食。再试多口清酒汤，酒香扑鼻，但入口却唔会太呛喉，反而，有种清爽感。
清酒煮蚬
$138
10 浏览
0 赞好
0 留言
花乐烧卖甲罗烧 $218老友未食过甲罗烧，所以，呢道菜佢就要试试喇。日本菜向来都好注重卖相，呢一道甲罗烧就正正体现出呢一点，除咗有甲罗烧，仲伴有一笼自家创作嘅中华风烧买寿司及野菜沙律，再加埋堂前帮你烧埋，呢个又喺加分位。店员好醒目，知道我哋钟意影食物相，俾我哋影完先帮我哋拌匀蟹壳内嘅材料再烧香。
花乐烧卖甲罗烧
$218
10 浏览
0 赞好
0 留言
中华风烧卖寿司非常搞鬼，造型似足烧卖，仲要揾个蒸笼嚟装住，咪以为绿色嘅外皮喺纸，其实可以放入口，面头放有好多蟹肉同蟹籽，所以，入口好鲜味，而下面嘅寿司饭软糯好食。
野菜沙律亦都有亮点，就喺沙律菜之外再加几串海葡萄，海葡萄纯粹外形关系，跟提子完全喺两样嘢，其实喺啲海澡类植物，味道咸咸哋，再自行淋上柚子醋，令到个沙律有清清味蕾之效。
茗荷黑松露吞拿鱼腩芝士卷 $148「茗荷」喺乜？睇番餐牌嘅英文名，就知喺日本姜，「茗荷」有译作日本生姜，呢一款寿司反卷就喺以日本米卷住忌廉芝士同火箭菜，再铺上大量吞拿鱼腩蓉，加点黑松露酱同几丝生姜丝而成。单喺卖相都几亮丽精致，入口味道富层次，咬落去有唔同嘅口感，喺用心制作嘅出品。
日本烧牛肉石锅饭 $148最后，就以石锅饭嚟垫垫肚，石锅饭上枱都感受到𠮶种热气腾腾，牛肉份量都有几多吓，夹杂唔少洋葱，散发出少少香气。牛肉味浓又鲜嫩，而饭粒好软熟，底下仲有少少饭焦，虽然唔多，但脆卜卜过吓口瘾都够啦。
一次过试到多款唔同嘅菜式，各有卖点，最紧要都喺用料靓，出品有质素，老友当然最欣赏个甲罗烧，因为对佢嚟讲好有新鲜感，小弟就几钟意个寿司卷，因为味道纷陈。呢度环境就好正架啦，开扬有啲海景，而招呼亦都好好，侍应服务勤快有礼，不时为我哋加添热茶、收拾枱面，喺一次几好嘅体验。
张贴
