Séan Cafe (已結業)

今日陪女朋友来呢间好少女心+花主题嘅cafe，餐厅唔大，可以容纳嘅人数得十几位。好彩咁啱𠮶日早人一步入门口坐低左，如果唔系又要等位。座位与座位之间都几迫下，但系环境就真系几靓，所有装饰同埋布置都好有心思。我叫咗一份英式早餐，里面有香草肠，炒滑蛋，火腿，薯饼，茄汁豆，面包（牛角包），水果（哈密瓜乳酪），黑醋汁蕃茄。每样食物都好精致，好啱女仔打卡。 但对我来讲，份量唔系好够。至于食物质素，都有一定嘅水准。我个人几钟意哈密瓜乳酪。女朋友叫咗一碟牛柳粒香蒜扁意粉 ，试食左一啖，好重蒜香味，牛柳粒好易咬，啱啱好，唔会过硬。至于意粉就偏咸，但整体来讲都好味嘅。另外女朋友仲点左一杯跟餐嘅玫瑰花梳打，味道清甜好香玫瑰花味，杯隔离仲有一朵玫瑰花做衬托，真系啱晒影相打卡。