慢煮工業 (已結業)

「慢煮」两个字成为近年饮食界热潮，用低温长时间烹调，保留食物本身嘅质感同味道。友人同我提过好多次尖沙咀百年花园入而有个小食亭，卖嘅系慢煮食物而且味道不错。有日咁啱夜晚行完街，又唔想食太多，就黎到一试。慢煮安格斯牛排三文治，重点当然系块慢煮牛排，其肉质鲜嫩多汁，的确系几唔错。略嫌生菜未够新鲜，不过$48蚊，算系咁。三文治都算大大份，两个人唔太肚饿，食完都满足。再叫左左个炸萝卜糕条($16)。外脆内软，配上泰式辣酱的确新奇。不过口感唔系一般萝卜糕，而系比较似新加坡或台湾果边嘅粿条，基本上都系粉浆居多，个人觉得一般般。