Cafe Prince Royal (已結業)

花墟附近有间cafe prince royal, 环境几舒服楼底又高，怖置得文青休闲风格，menu多款价钱唔贵。叫左个 burger,面包烘得香脆，size好巨形！馅料好丰富，手打澳洲牛松软肉味几香，太阳蛋煎到焦香，红菜头粒增加清新味道酸maymay, 啡菇蕃茄多汁清爽，菠萝鲜甜，烟肉咸香感刚好唔太咸！整体夹埋一齐食好 match好够份量，旁边薯条香脆，沙律菜带上黑醋调味，中和了过腻感觉！脆皮台湾肠自家制蕃茄意粉，酱汁调得几好，蕃茄味相当浓郁，完全渗到意粉当中，意粉质地够爽身！唔会比酱汁整到淋哂，脆皮肠细心地切粒，非常方便食！质感够脆口，肉味惹味又够香。黑糖豆腐沙冰，虽然说是沙冰，但仍然食到豆腐滑滑地既质感！2种口感同时有齐，豆味都几香又唔会太甜，几好饮既特饮。