影片
更多
2024-12-17
99 浏览
平时见烧烤堂长期full house已经知佢正，今日一试果然名不虚传。款式多到有选择困难症，点咗咁多款基本上全部好味，拣几样同大家分享： ★ 海鲜 ★想讲，所有野加鸡皮都level up咗！「紫苏鸡皮虾」紫苏味特出、虾弹牙；「鸡皮墨鱼滑」外脆内软，个人几钟意呢种口感。「蒜蓉烧广岛蚝」少辣好惹味，几钟意个汁。★ 豚肉 ★呢度尝试将豚肉包住好多野，无花果卷同牛油果卷都唔错，但个人最爱始终系「盐烧豚肉荔枝卷」，咬开爆出清甜嘅果汁，有初恋感觉(?!)；「泰式猪颈肉」爽口，青酱好夹。★ 牛肉 ★「盐烧A4宫崎和牛」油脂香口，就算摊冻咗食都有惊喜★ 鸡肉 ★「盐烧原块鸡皮」大癫，劲薄劲脆食薯片咁；「明太子鸡腿肉」肥美。★ 蔬菜 ★「盐烧日本银杏」当造一定要叫，烟靱口感有feel；「明太子淮山烧」有惊喜，口感清新，明太子画龙点晴。★ 其他 ★「焦糖青苹果鹅肝多士」一定要叫！焦糖多士嘅脆同鹅肝嘅滑好match，青苹果嘅酸甜中和咗肥腻感，好味；「明太子烧饭团」劲正，大爱饭焦口感，暖嘅明太子酱俾人一种幸福感，包脆脆纸菜好满足；「柑桔咸蛋黄卷」其实我食唔到咸蛋黄味，不过糖面柑桔几清新，当甜品食唔错！注意，呢
★ 海鲜 ★
想讲，所有野加鸡皮都level up咗！「紫苏鸡皮虾」紫苏味特出、虾弹牙；
「鸡皮墨鱼滑」外脆内软，个人几钟意呢种口感。
「蒜蓉烧广岛蚝」少辣好惹味，几钟意个汁。
★ 豚肉 ★
呢度尝试将豚肉包住好多野，无花果卷同牛油果卷都唔错，但个人最爱始终系「盐烧豚肉荔枝卷」，咬开爆出清甜嘅果汁，有初恋感觉(?!)；
「泰式猪颈肉」爽口，青酱好夹。
★ 牛肉 ★
「盐烧A4宫崎和牛」油脂香口，就算摊冻咗食都有惊喜
★ 鸡肉 ★
「盐烧原块鸡皮」大癫，劲薄劲脆食薯片咁；
「明太子鸡腿肉」肥美。
★ 蔬菜 ★
「盐烧日本银杏」当造一定要叫，烟靱口感有feel；「明太子淮山烧」有惊喜，口感清新，明太子画龙点晴。
★ 其他 ★
「焦糖青苹果鹅肝多士」一定要叫！焦糖多士嘅脆同鹅肝嘅滑好match，青苹果嘅酸甜中和咗肥腻感，好味；
「明太子烧饭团」劲正，大爱饭焦口感，暖嘅明太子酱俾人一种幸福感，包脆脆纸菜好满足；
「柑桔咸蛋黄卷」其实我食唔到咸蛋黄味，不过糖面柑桔几清新，当甜品食唔错！
注意，呢度上菜奇快，亦都唔系日本吧枱小居酒屋，所以你点22样，真系一次过可以上哂22样俾你，非常建议大家分段嗌，一来可以保持所有野衬热食，二来试到坚好味有肚再追加比较开心。
张贴
