德昌魚蛋粉

营业中

休息中

Item: 德昌魚蛋粉
Rating: 3
Author: catcatgogogo

Tak Cheong Noodle

193 食记

味道

环境

服务

卫生

抵食

5131

九龙城

$50以下

港式粉面/米线咪嘥嘢食店

资讯:
餐厅:	德昌魚蛋粉

为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。

详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign

catcatgogogo

等级4

214

九龙城德昌---假日中午至下昼, 长时间有条队响门口, 真巴闭! Honey话以前食过几次都无咩特别, 所以一向我都无咩意欲要帮衬. 今日事有凑巧一行几人傍晚六时就打算食晚饭, 有提议话想食清淡啲: 我无意见因为始终未去过, Honey唔表态即系'ok', LET'S GO, go go go~~~首先今晚系一个闲日的星期二晚上, 一去到, 无咩人, 全店得两对情侣加我哋呢枱都任坐, 咁我o地就自动波坐一张corner枱因为阿B正在B车睡得香甜, 摄响埋边我可以叹番阵! 点知原来我哋犯咗德昌之大忌都仲未知!!!!!! 侍应黑口黑面问食咩, 唔系繁忙时间咁清闲, 微笑吓都咁难?! 同行之长辈未谂定佢就催三催四, 大佬呀, 又唔系繁忙时段你急咩呢? 又唔系阻你收铺, 未有'耐'啦! 可能呢个系你哋style, 唔钟意唔好帮趁, ok, 我哋犯贱... 搞掂柯打喇, 侍应就开始'捐嚟捐去'响B车前后左右攞筷子筒啲嘢呀, 放吓, 攞吓, 又收吓, 总之唔知搞咩系要左穿右插咁, 我已经将架车'泊'咗靠住佢响一个唔阻通道又我自以为算安全之单边位, 咁间铺数埋我哋呢枱至仅仅够十个客,

九龙城德昌---假日中午至下昼, 长时间有条队响门口, 真巴闭! Honey话以前食过几次都无咩特别, 所以一向我都无咩意欲要帮衬. 今日事有凑巧一行几人傍晚六时就打算食晚饭, 有提议话想食清淡啲:[不如去德昌食碗粉?!] 我无意见因为始终未去过, Honey唔表态即系'ok', LET'S GO, go go go~~~

首先今晚系一个闲日的星期二晚上, 一去到, 无咩人, 全店得两对情侣加我哋呢枱都任坐, 咁我o地就自动波坐一张corner枱因为阿B正在B车睡得香甜, 摄响埋边我可以叹番阵! 点知原来我哋犯咗德昌之大忌都仲未知!!!!!!

侍应黑口黑面问食咩, 唔系繁忙时间咁清闲, 微笑吓都咁难?! 同行之长辈未谂定佢就催三催四, 大佬呀, 又唔系繁忙时段你急咩呢? 又唔系阻你收铺, 未有'耐'啦! 可能呢个系你哋style, 唔钟意唔好帮趁, ok, 我哋犯贱...

搞掂柯打喇, 侍应就开始'捐嚟捐去'响B车前后左右攞筷子筒啲嘢呀, 放吓, 攞吓, 又收吓, 总之唔知搞咩系要左穿右插咁, 我已经将架车'泊'咗靠住佢响一个唔阻通道又我自以为算安全之单边位, 咁间铺数埋我哋呢枱至仅仅够十个客, 你搞咩啫? 有咩攞非必要响我B车左左右右咁搅? 都算!! 我但求啲嘢快啲上食完就闪啦~

食物轮流送到喇, 我哋坐的圆枱已特登留一个好明显的"出菜位"俾佢哋, 但侍应们好巧合地全部都唔用, 由头顶过啦, 要Honey同我特登让开啦, 点都好总之就刻意忽略个"出菜位"系都唔钟意用呀! 吹咩? 可能呢啲系'职业病'我哋都忍你哋! 但系做咩又搅搅震阿B瞓咗系都要'揩'佢架车整呢整路有咩整? 我碗粉又未到! 等我刚才仲叫多个沙爹牛包添, 又未嚟... 真系想快啲出餐食完快啲走.....好后悔为食叫多个包.....

由始至终间铺得𠮶三枱客, 又系街坊生意嘅, 你话繁忙时间大家都明啫, 家阵系超级无客时间我入嚟帮趁你, 我真系唔知做食客仲有咩要体谅你?!! 又唔见你体谅我做人阿妈阿B瞓著我偷到时间拿临想食个简便的晚餐?!! 我平日见你排晒长龙你请我/食完派钱...我孭住阿B都无本事排入嚟啦!!! 我做客我做错咩? 唔准开住架B车? 你都无客, 通融吓得唔得? 佢瞓咗我夹硬收车抱住佢整醒佢, 你又有咩得著? 门口你贴住不招待婴儿车同轮椅都收起至准入, 但当你打开门做生意, 得小猫3/4只你又想做我𠮶张单, 咪弹性处理啰 ---以上都系我个心不断谂, 无发作之心底话~

最搞笑系同枱一位长辈终于忍唔住佢有出菜位系都要响头顶传菜, 好够勇单人匹马坐过隔离枱食, 侍应甲问做咩? 佢话: [张枱好迫, 费事阻你哋啦, 分单啦]... 隔离对情侣客都笑咗出嚟.

我快快食紧之际, Honey突然开腔: 你哋有咩问题? 食碗粉搅咁多嘢? 又无客, 等人安乐食个饭得唔得? 侍应甲/乙好齐心地话: [架bb车阻住, 日头直情唔准开车要收起, 包括轮椅客都系咁话!!!! 出面贴咗纸㖞!] 咁我Honey就话: [如果系要收车, 我哋入嚟你唔讲? 落晒order你就整色整水, 得三枱客, 玩咩啫? 你爆场我唔合作咩?]

侍应某就粗声粗气话: [总之架车阻住]跟住即刻行开咗...终于有一个侍应出嚟打完场话可能侍应某心情唔好㖞...呢一刻我Honey见个个都食晒嘢(除咗我个包就食完/但碗粉食得几啖) 即刻起身埋单! 唔系呀? 我碗嘢食咗两啖, 要俾钱o架! 佢就话: [豪俾佢啦, 咁样对客, 啲食物又麻麻嘥quota啦... 我哋出去再食过]...好, 既然系咁, 走啦!

食物方面, 我个墨丸河, 丸唔弹无特别、汤唔香无特别、粉太散/碎, 唔欣赏! 我个人比较喜欢夹得起, 好似食肠粉...我都唔钟意食皮薄透晒馅那种; (如果在九龙城, 墨丸河黄明记的好吃得多) 沙爹牛包, $16个, 牛肉唔香、包无特别, (要食沙爹牛包在九龙城去顺兴好过)...

呢区好多做街坊客招呼好好的店舖例如江南美厨、海裕、铁板站、台湾牛肉面、羊鞍、方荣记...甚至于晚市好忙嘅路边鸡都好招呼过你!!! 好去唔去入咗嚟, 真系自作自受...(remarks: 用咁多时间打咁多字系因为我想大家睇到...做人唔驶咁绝, 开讲有话: 规举就死嘅, 人就生嘅! )

点都好, 做街坊生意的铺头做到咁无人情味...希望你哋对客人俾番一分专重因为话晒你打开门做生意系求财唔系求气, 你碗粉有几好食? 当中有几多人系羊群心理见到排队以为好得?! 正所谓"花无百日红"---互勉之!