花月庭 (已結業)

庆祝放暑假，一家大细食自助餐。钟意花月庭位置方便，餐厅够大，野食选择够多。自助午餐有八折，平均每人约＄370。食物柜台多，分门别类。有即开生蚝每次每人限拎两只，唔算大只，但胜在几鲜甜，值得encore。仲有各式冻海鲜，都算新鲜。有几款刺身，少量寿司选择。试左三文鱼都ok甜。热盆都好多选择，汤品、肉类、蔬菜，仲有面档等。特别钟意食海鲜炖蛋白，细细碗，小朋友都岩食。烧牛肉牛味都几香，淋上烧汁不错。类品款式都相当多，拣左几款蛋糕，最钟意蓝莓芝士蛋糕。新鲜即制嘅鸡蛋仔都唔错，外皮脆卜卜。特别钟意奶冻类杯仔甜品，北海道牛乳同抹茶红豆奶冻值得一试。最后有movenpick雪糕，是日有六款口味。朱古力系最好味嘅，小朋友最钟意自行加上唔同朱古力、糖做装饰。地方较大，相对食客都多，间中都排队拎野食。幸好坐埋一边自成一角，可以慢慢食。