仙跡岩 (至秀商業大廈)

营业中

休息中

趁住放工放两点咁早，就约定同事唔食午餐，两餐夹埋一餐食，一齐去叹个下午茶！好想食台式牛肉面，但谂唔到佐敦附近边度有台湾面食，好彩同事灵机一触，想起以前帮衬过嘅仙迹岩，一于去睇睇佢仲能否保持到水准！呢间位于佑宁堂对面嘅仙迹岩，邻近女拔学校，一到达便见到一大班美少女同学。坐在窗边位，正正看到对面嘅佑宁堂，此教堂以被列入为香港文物古迹。太肚饿了！第一时间点左食物先，叫咗一客牛肉牛筋面及甜不辣套餐。由于真系太肚饿，决定疯狂叫小食！我叫左一份椒盐鱿鱼，朋友叫咗花枝丸！食物上枱，两个傻人相视而笑，原来我哋真系好钟意食花枝！花枝丸、酥炸花枝、花枝做的甜不辣！笑C人！花枝狂！不过钟意食就得啦！特别欣赏个甜不辣，微辣加上秘制酱汁更能带出花枝鱼饼的美味！另外值得一赞系个台湾牛肉牛筋面，汤味香浓，牛肉牛筋煮得又香又有口感，配上酸菜及炆煮红萝卜，果然能保持一定水准！饮品当然系叫特色台式饮料啦！我杯炭烧点子咖啡香浓可口，中间的咖啡果冻弹牙有质感！同事因太饱了，所以叫了金桔青柠！两人满足的捧著肚子离开了！👍👍👍