影片
更多
2024-05-01
33 浏览
趁住五一假期又系出动食好西嘅时候，近排见到好多朋友都去打卡「花楽」嘅日式花园下午茶，我又点可以执输呢😆店员安排咗我同BFF坐喺窗边位置，可以一边欣赏靓景一边high tea🩷Tea set一上枱时我地即刻疯狂打卡，热气球入边装住各式各样嘅咸点，另一个花花架就装住甜品🥰热气球上面包含咗四款刺，有海胆、拖罗、油甘鱼同甜虾，海胆味道清甜，大拖罗超级肥美充满油脂，入口即溶，厚切嘅油甘鱼鲜味无比，鱼味浓郁，甜虾爽口鲜甜，全部刺身都够晒新鲜👍🏻巴马火腿芝士卷咸香嘅巴马火腿包住creamy嘅奶酪芝士，入口幼滑，奶和味浓，两者配搭令味道更加提升火炙粟米沙律沙律菜清爽而新鲜，加上火炙栗米口感更加丰富，烧过嘅粟米香味更加浓郁吞拿鱼蟹肉pancake米饼上加上吞拿鱼蓉同蟹肉，入口软绵味道鲜甜，多重口感享受热气球上包括两款卷物，有忌廉芝士鳗鱼卷同矶之雪杂锦鱼生卷，鳗鱼卷配上忌廉芝士，cream cheese香浓嘅奶香加上鳗鱼嘅鲜味，最佳配搭✌🏻杂锦鱼生卷里面包裹住各式各样嘅鱼生，味道丰富口感一流三文鱼新鲜肥美yummy😋日式炸蟹钳蟹酥脆嘅炸蟹钳，咬落去脆卜卜入边充满蟹肉，点上他虾酱滋味无比鳕鱼干香脆鳕鱼干点上
热气球上面包含咗四款刺，有海胆、拖罗、油甘鱼同甜虾，海胆味道清甜，大拖罗超级肥美充满油脂，入口即溶，厚切嘅油甘鱼鲜味无比，鱼味浓郁，甜虾爽口鲜甜，全部刺身都够晒新鲜👍🏻
巴马火腿芝士卷
咸香嘅巴马火腿包住creamy嘅奶酪芝士，入口幼滑，奶和味浓，两者配搭令味道更加提升
火炙粟米沙律
沙律菜清爽而新鲜，加上火炙栗米口感更加丰富，烧过嘅粟米香味更加浓郁
吞拿鱼蟹肉pancake
米饼上加上吞拿鱼蓉同蟹肉，入口软绵味道鲜甜，多重口感享受
热气球上包括两款卷物，有忌廉芝士鳗鱼卷同矶之雪杂锦鱼生卷，鳗鱼卷配上忌廉芝士，cream cheese香浓嘅奶香加上鳗鱼嘅鲜味，最佳配搭✌🏻杂锦鱼生卷里面包裹住各式各样嘅鱼生，味道丰富口感一流
三文鱼
新鲜肥美yummy😋
日式炸蟹钳蟹
酥脆嘅炸蟹钳，咬落去脆卜卜入边充满蟹肉，点上他虾酱滋味无比
鳕鱼干
香脆鳕鱼干点上蛋黄酱，一条一条食到停唔到口😆
甜品
食完咸点部分，女生就会开动第二个胃食甜品🤭花花架最底层有三款水果，士多啤梨、香印提子同哈密瓜，中间𠮶层就放有两件cheese cake同日本蛋卷，芝士蛋糕唔会太甜，浓浓嘅芝士味入口丝滑细绵，粉红色嘅蛋卷真系好吸引，蛋糕部份够松软里面包住蜜桃同大量忌廉，大爱🤩最顶层樱花水信玄饼，dun dun嘅质感QQ弹弹，加上黑糖正宗日本嘅味道👍🏻旁边配有多款日本和菓子，有红豆、蜜瓜、樱花等馅料，甜度适中，有两款裹上黑白芝麻，烟烟韧韧特别香口
花茶
最后点少得叹返杯花茶呢😌我地拣咗杏仁焦糖薫红茶，搽底味道浓郁带甘，加入杏仁焦甜酱刚好中和红茶嘅甘味，整个下午茶份量十足，推介一定要同BFF黎分享🩷
📍花楽 (北京道1号) (尖沙咀)
尖沙咀北京道1号8楼801室
人均消费：$300
食物：⭐️⭐️⭐️⭐️⭐️
环境：⭐️⭐️⭐️⭐️⭐️
服务：⭐️⭐️⭐️⭐️
回头率：⭐️⭐️⭐️⭐️⭐️
张贴
