影片
更多
2021-05-01
623 浏览
呢日攞咗假休息，出旺角睇戏前先食个午餐。本身想食日本过江龙牛肉饭专门店，但门口打哂蛇饼😅，唯有转场。恰巧接过姐姐派嘅传单后，我哋就上咗去一楼嘅「夜樱 • 居」食晏。呢度环境阔落，居酒屋嘅设计🏮配合埋花花主题🌸，颇具特色的。另一边厢，近厨房位置放咗几个水缸，入面养住大大只龙虾。餐厅每日有一款特惠午市套餐🍱，不过其实正价都唔贵，而且刺身同熟食类均有好多选择，难怪有咁多上班族嚟帮衬😄。我哋不约而同都对鱼生丼有兴趣，其中一份系餐送埋饮品。火炙海鲜寿司丼($108)，丼饭非常大碗，无论鱼生定寿司饭都系份量十足🍚。丼饭面头铺满各式各款嘅鱼生，包括三文鱼、带子、呑拿鱼、鱿鱼、蟹棒蟹籽同北寄贝等，经炙烧后嘅鱼生油脂特别香🔥，而且带少少酱油味，食落更惹味，配饭一流。另外，套餐跟面豉汤同沙律菜，前者难得唔会太咸，而后者就用沙律酱取代醋汁。特上刺身定食($168)，刺身定食有几个级别，愈贵就有愈多款刺身。🍣碟中嘅七款刺身包括三文鱼、八爪鱼、北寄贝、甜虾、赤身、剑鱼同䲞鱼，呢款系朋友食，佢话味道都几鲜，而且每款有两片，每片均系厚切。碟中唔知点解会有一粒粟子，可能作装饰之用，食落好甜好得意😛。我哋额外仲嗌咗啲小
呢日攞咗假休息，出旺角睇戏前先食个午餐。本身想食日本过江龙牛肉饭专门店，但门口打哂蛇饼😅，唯有转场。恰巧接过姐姐派嘅传单后，我哋就上咗去一楼嘅「夜樱 • 居」食晏。
呢度环境阔落，居酒屋嘅设计🏮配合埋花花主题🌸，颇具特色的。另一边厢，近厨房位置放咗几个水缸，入面养住大大只龙虾。
餐厅每日有一款特惠午市套餐🍱，不过其实正价都唔贵，而且刺身同熟食类均有好多选择，难怪有咁多上班族嚟帮衬😄。我哋不约而同都对鱼生丼有兴趣，其中一份系餐送埋饮品。
火炙海鲜寿司丼
$108
13 浏览
0 赞好
0 留言
特上刺身定食
$168
6 浏览
0 赞好
0 留言
我哋额外仲嗌咗啲小食同串烧，🍢串烧包括盐烧鸡肾($16)、盐烧五花腩($28)、黑椒牛舌($38)以及烟肉车厘茄($48)，每款各一串。串烧味道其实都唔差，调味够，又唔会烧到太干，但就相对无主食咁抵食🙈。不过抵赞嘅地方系午市时段冇乜人嗌串烧，但厨房上菜嘅速度都几快。
唐扬鸡软骨($48)，🐔🦴鸡软骨粒超酥脆，劲啱做佐酒小食，而且好大兜，几乎食唔哂。虽然系油炸，但都唔会太油，软骨好爽口、唔硬，沾埋沙律酱食，好味道🤤。
总括嚟讲，呢餐居酒屋午餐几好，主食嘅质素令人满意😋，而且价格都算合理。店员服务态度唔错，会主动加茶，又会同客人倾计，佢乐天嘅性格能够感染埋身边嘅人哦💕。
张贴
