華輝小食 (已搬遷) 新店位置

讲起大围，大家一定会谂起呢间手撕鸡！呢家小店最出名就系手撕鸡肠粉！但系姨姨态度好一般，唔知系因为唔忧做定系咩原因。肠粉手撕鸡 $38★★★★☆手撕鸡唔算超级滑身，但鸡皮好爽滑唔会好漏。比起手撕鸡，我更欣赏个肠粉，佢食落好细滑，完全唔鞋口，热辣辣食更好味。佢个酱汁以豉油同花生酱为主要元素，食落好香花生酱，加埋D芝麻，好惹味！但食到去中段D酱汁太多变左浸肠粉手撕鸡，而且肠粉又索汁，变相好咸，食唔落去。但整体系好食，2-3个人SHARE就岩岩好。沙姜凤爪 $28★★☆☆☆凤爪系大大只，一盒有6只到印象中。沙姜味只系得凤爪表面，凤爪入面冇咩味道，仲食落有阵雪藏味。虽然价钱唔贵，但唔值得一食。🌟总括：肠粉手撕鸡推荐大家一试，但系沙姜凤爪唔洗叫，无谓哂左个肚。