一生懸麵 (荃灣千色匯I) (已結業)

见到雪糕拉面可能有好多人都谂紧，究竟好唔好食㗎，系咪gimmick野咋，当初都系因为唔知好唔好食，好奇心驱使之下就嚟咗食。呢个面只可以拣小辣同唔辣，我就拣咗小辣，其他野都同平时嘅辣味拉面冇乜分别，叉烧大旧软淋，溏心蛋都有流心嘅效果，但个人觉得呢两种食材都唔够入味，比较可惜。 值得称赞嘅系面条，拣咗硬就真系有硬嘅口感，又未去到唔熟超硬嘅感觉。一上枱嘅时候个雪糕都好硬，花生酱雪糕融咗之后嘅甜味同奶味可以中和到种辣味，个味道就有多啲层次，辣得嚟带点甜，不过过雪糕筒融咗之后就好淋，似食紧块腐皮，食到最后个汤都唔会话冻晒。总括而言，我觉得系值得试吓嘅。