串燒王 (建基大廈)

营业中

休息中

为咗花甲粉而来，呢间串烧王之前喺朋友屋企都会叫外卖，叫返廿零串串烧一边饮酒一边食，佢啲串烧质素都唔错，上次睇餐牌已经见到佢有花甲粉，今次带埋小朋友去朋友屋企之前，一于堂食试下。花甲粉初初以为唔系好辣同埋细细碟，点知越食越辣，超多花甲喺底，粉丝食极都仲有，最钟意佢有大量蔬菜，不过对于小朋友嚟讲真系比较辣咗啲，但我就食得好过瘾，好彩有另外叫咗一碟炒米粉比小朋友。炒米粉又系超大碟，炒得好干身，仲有洋葱丝炒蛋碎同埋小朋友最钟意嘅肠仔。串烧因为同小朋友食就唔叫咁多，叫咗两场鸡翼仲有一串牛脷，同埋一串芝心丸，之前食过都系有质素，今次味道依旧，好惹味。