肉餅哥小炒料理 (已結業)

最近大围美林冬菇亭开了间新食店，个名好搞鬼，叫「肉饼哥」，本身我地都成日食肉饼，兼且都系沙田友，所以点都要支持下。星期日lunch 时间，我们1点半左右到餐厅，地方都几阔落，D枱坐满晒但唔觉迫。我地4个叫左三个肉饼饭，好似煲仔饭咁，D肉饼同𩠌就铺系面，下面可以拣白饭、菜饭或油饭。「足三两花胶肉饼」其实系花胶同肉饼分开，D花胶好足料好大份，劲多汁，从未试过食咁大只花胶，虽然贵，但抵晒。「龙虾肉饼」卖相吸引，相当有创意，肉饼里面混合了龙虾肉，真系估你唔到。仲有个「蟹粉肉饼」，做法都系好特别，肉饼有蟹味。今日试过先知，原来肉饼可以系有咁多做法。另外再叫多个海皇杂菜煲，太多肉平衡返，个餐跟埋野饮。4个人平均每人也不用100便食到饱饱，假日不错选择。除此之外，佢地仲有好多好多肉饼选择，有好立克、柚子、咖啡炼奶、鹅肝、鲍鱼肉饼等，睇黎要去多几次先可以试得晒。