麗島小廚 (已結業)

是日晚餐，简简单单，来个鸡煲一乐也。今晚拣咗花胶浓汤鸡煲，要咗一只鸡，只鸡真系好靓好新鲜，而且份量好足，佢啲鸡都真系几大只。汤底滚起嘅时候，侍应主动埋嚟帮我哋将只鸡放入个汤度，仲问我哋落晒成只鸡定系先落半只鸡，我哋一次过落晒成只鸡，呢度嘅服务很好我我很满意。再滚多5、6分钟之后就可以开始食，侍应建议我哋先饮鸡汤，佢话头啖汤系特别滋味。饮旧鸡汤食旧鸡肉之后就可以叫侍应加汤，然后开始打边炉。打边炉又点少得牛肉呢，我哋嗌咗一份细嘅安格斯牛肉，都几新鲜，脂肪分布都均匀，渌熟咗之后唔会话好韧。另外我哋仲嗌咗芋头件同埋淮山片，两样都味道唔错。