御龍軒 (裝修中)

是日打边炉汤底系花胶猪骨鸡汤个汤底系味道相当浓郁，好有胶质味道。花胶食落都相当爽口，饮左成三碗汤先开始打。海鲜拼盘，主菜大肉蟹加龙虾，伴花甲，我至爱的海鲜。餐厅一张大台可以打边炉或烧，可以一虾两味，烧熟既龙虾味道较为强烈，有浓郁既香味，食完口中散发淡淡既龙虾香，而用黎打边炉既龙虾就鲜甜爽口，可能花胶汤底太浓变相无烧烤食落咁集中。肉蟹超级鲜甜，啖啖肉，无得输另外叫左餐厅既两款牛，极品手切牛肉同安格斯肥牛，其实口感两只都相似，但油花会系手切较为优，味道相差唔远，但食安格斯个价钱会抵食好多。