御龍軒 (裝修中)

友人帶左我去到灣仔呢間到食火鍋，其實之前從來都唔知有間火鍋嘅係呢個位，佢講到好勁咁，入面有個鍋好正，咁就一定要試試佢啦！電梯落到去，佢都算係個種幾高檔次嘅中菜廳，而唔係一般酒樓feel，而入面仲有卡位，咁岩我地坐左係入面最後一張卡位！服務同環境都唔錯！主角到啦，呢個真係必叫，花膠雞煲，半隻雞加上幾塊完整花膠，塊塊都有手咁大，有三至四塊左右，都幾正！上到黎就當然再比佢煮多陣先，花膠當然係膠先好食啦！呢個花膠絕對無令我失望，個隻膠膠味係口到好鮮味好正，鮮味真係好重！啲雞湯都好濃味，雞味好重，成個湯又湯又甜，加埋半隻雞，雞肉都唔會覺得好老，因為燉湯嘅雞一般都會老啲，佢老得黎都ok，接受到！食完呢個鍋已飽左4成！再加湯打個邊爐啦！但啲料係比一般市面火鍋要貴啲，味道都還好，但都勝在夠新鮮！幾推介大家去食呢個鍋！

御龍軒開左一排，聽左幾次湯底幾正，所以一試！門面簡單時尚隨左火鍋仲有燒肉可點兩個人打邊爐真係叫唔到幾多野，所以揀個靚湯底，叫份有質素既肉就夠叫左金湯花膠煲雞湯底半隻大雞，有不少雞腳，瘦肉同四隻原隻大花膠湯質地半厚身，未係好有膠質，但算濃郁。略略偏鹹。另外叫左一碟安格斯肥牛肉質好好，油脂分佈有如雪花，當然唔可以同和牛比，但已經係肥牛入面算好唔錯，油脂同肉味平衡，互相帶出其優點，令每塊牛都有油香肉香，口感保持嫩、滑、彈牙！熟既牛都唔會話縮埋一小塊，全憑油脂分佈平均！最後加左手打烏冬同稻庭麵，兩者我覺得後者更配合湯汁，烏冬都彈牙，但冇稻庭麵咁可以沾上湯汁，而且同牛味更相得益彰。ps 要收取醬油費，每人20，另有茶芥同小食費及加一ps 2 環境有少少熱鬧，難d傾計；可能店太忙，店員服務態度唔太好

踏入十二月，天氣明顯轉涼了。在冷冷的空氣下，特別想吃一些熱騰騰的美食。近年大行其道的海鮮蒸氣火鍋，是入冬暖身的好選擇。吃蒸鍋，食材質素和新鮮程度是最重要的，其次則是食物配搭的創意和價錢。最近來到「御龍軒」，他們的海鮮蒸氣火鍋是近期試過而又最值得推介的。餐廳位於灣仔告士打道安盛大廈地庫，屬於灣仔區中旺中帶靜的地段。不過這裡的晚市蠻旺場，七點後幾乎全場爆滿。餐牌的選擇豐富，由平民食材到時價海斑、九孔鮑、長腳蟹，樣樣齊。不過自選「海鮮蒸氣火鍋」套餐由選擇到價錢都相當吸引。每位 HK$350 另收加一，所以省卻很多點菜的功夫。一人一份套餐，再另點食材，就已經非常豐盛了。蒸氣火鍋採用兩層式鍋具，上層用作清蒸海鮮，下層則用作傳統火鍋。提供九款醬料，由客人自行組合「心水混醬」。一）蒸氣海鮮套餐可分為四個部分，最先上桌的是海鮮類。服務員會為客人蒸煮各種海鮮，不過自己親手下廚也非常簡單。因為餐牌上已寫明建議蒸煮的時間，根據指示設定好鬧鐘，美味的新鮮海鮮盛宴就誕生了！海鮮這種食材，新鮮是最重要的。這盤上的海中蝦，就必定新鮮了。因為 …… 他還在手舞足蹈地掙扎。但最後還是逃不過命運，成為我們肚子中的養份。味

天氣凍冰冰，最好同三五知己一齊打邊爐🍲。今次去咗灣仔嘅御龍軒，佢哋剛剛推出左一個海鮮蒸氣火鍋套餐📔，有好多不同海鮮俾你選擇，例如肉蟹🦀、象拔蚌、鮑魚、花甲🐚、大元貝等⋯啲海鮮好新鮮，全部即撈即劏。另外，仲有好多平時既火鍋配料俾你揀，加埋時令菜盤🥗，同埋鴛鴦撈飯，每人都只係＄350(另加一收費)。▫️食法：個火鍋蒸籠有兩層，首先會用蒸籠蒸熟晒你揀嘅海鮮，等啲海鮮精華流落個火鍋湯底😋，然後將選擇好嘅火鍋配料煮熟。食晒啲火鍋配料之後，將熟既米飯🍚加入火鍋湯到煮，最後配上炸米通就完成啦。▫️順帶一提，其實個火鍋湯唔會太肥，因為餐廳嚴選火鍋配料，啲食物唔會太肥膩🤔，所以可以放心食個火鍋湯鴛鴦飯。

一直都有幫襯開御龍軒，近期佢地推出左外賣服務，仲要俾按金就可以送埋個爐同個煲過黎，真係方便到無朋友。前幾日成班朋友突然話打邊爐，又無人肯去買嘢，所以就試下御龍軒個外賣火鍋！落完單之後大約一個鐘左右就送到👍🏻仲要包埋碗筷，醬料免費供應，免加一免茶芥 仲要可以慢慢打住機hea住食，真係抵過堂食食嘢除左味道，視覺真係都好重要，諗唔到外賣火鍋都可以咁靚仔哇！ 全部食物都整整齊齊，超級新鮮海蝦，野生竹笙，棉花魚肚，白鱔片，手切牛，手切牛頸，黑松露墨魚滑，黑松露餃，花甲，脆炸嚮鈴，黑豚肉，桂花蚌，鮮鵝腸，鮮粉腸，冬瓜件，皇帝菜，西洋菜，桶蠔乜乜乜醬料都絶對唔孤寒我地當目14人，叫左2個湯底，有辣有唔辣，任均選擇麻辣大內鍋，同堂食一樣出色，香味十足，一上鍋簡直不得了跟住再黎個女士恩物，花膠燉雞鍋，依個鍋係靚仔老闆誠意推介，老闆話個湯底每日燉出黎無味精，又足料，又好味，飲完湯食完料先再加清湯打邊爐，所以我地每次都會叫依個湯底，估唔到外賣都完全無失場，保持水準，真係自己响屋企整都要依個價啲花膠真係大大隻，膠質重，唔係流料黎㗎❣️個鮑片又係不得不提，雖然開好左加埋外賣時間，但仍然保持到爽口感覺同埋食落依然鮮

落雨天唔想出街食，見到御龍軒新推出外賣速遞服務試下order先啦，叫左桂花蚌，花雕雞子，響鈴，火箭魷魚筒，手打海蝦滑，手打墨魚滑，本地手切牛，辣汁什菌花甲蟹鍋，仲送了6隻鮑魚比我地，呢個服務最啱我地呢D懶人想喺屋企打邊爐又唔使出街迫又唔使出汗逐樣買！所有食物好新鮮！！尤其是個花甲蟹好鮮甜，非常好食😋😋😋，包裝也非常整齊乾淨👍🏻👍🏻👍🏻，落單到送遞好快搞掂👍🏻👍🏻👍🏻價錢非常合理值得推介🎊🎊🎊會再幫襯👍🏻👍🏻👍🏻

涼風起最好就係10HA10HA啦又去新地方試喇。地方好大，環境清淨，我地兩個人好早到，所以包場咁，服務員招呼周到店員安排我坐卡位，卡位有兩個爐，一個燒烤，一個電池爐，兩食喎。我坐底叫咗啤酒解解渴，轉頭就有碟小菜免費嘅，比我送酒喎。朋友嚟到，早一日前訂咗花膠燉雞湯底，煲嚟到滾一陣，打開個蓋，啲花膠大塊到丫，服務員幫手剪細啲花膠，然後開始飲湯，好味道丫......連飲3碗呀。之後試吓燒烤肥牛，肥牛油脂唔算多，都好香牛肉味，滾吓啲牛肉啦，滾嘅仲好味。海鮮拼盤，按自己心目中嘅食物選，二人份量價錢$480，鮑魚燒烤一流，滾就要小心唔好滾太耐，蟶子滾10秒就要食，帶子攞去燒烤香好多，蝦就普通咗啲，冇咩鮮甜味。點埋菜，兩個人食真係飽到郁唔得，點知仲有糖水係送嘅，唔夠可以再飲，雪梨雪耳南北杏，好好飲，唔會太甜，但係真係飽到飲唔到第二碗喇。呢道走中高路線，過咗夜晚9點會平啲，服務員好好服務，值得再試

成日見Facebook d friends讚呢間食肆，今日就約個姊妹嚟試一試佢！點知坐咗之後，個姊妹話呢幾日食多咗，唔係好想食肉，對於我學佛嘅人嚟講，求之不得啦（雖然我唔係好虔誠個隻)! 反正得兩條友，韓燒又唔係，打邊爐又唔係，最好都係點餸食飯個隻！我哋點咗紅燒豆腐、羅漢齋同豉油王炒麵！唔食真係唔知，竟然好味到不得了！ d豆腐又香又滑，好似食緊豆腐花咁！正到不得了，連d醃汁都配合得天衣無縫！好食過d米豬蓮嘅齋舖！羅漢齋都好有水準！雖然炒麵就上得遲咗少少，但慢工出細貨，果然有酒店水準呀！服務水準一流，waiters 見我哋兩個女仔不停口水多過茶，仲主動幫我哋換壺熱茶tim，好細心啊！下次等人多d，必定試埋佢個火鍋！👍🏻

聽同事介紹呢度抵食..冇諗過係咁抵食！所以要寫食評鼓勵下！一個二人既商務套餐 $198 有齊涼拌黑木耳（openrice訂座） ，烚菜，2個小菜，老火湯，同白飯！ 仲唔知點解送埋竹庶水同甜品...staff 好有禮貌同幾細心，食材新鮮，我地叫左薑䓤魚雲煲同茶樹菇雲耳雞，個煲拎出尼喳喳聲，十分有鑊氣！！茶樹菇第一次食，幾特別！老火湯勁足料！有雞腳同一粒螺！估唔到送既湯都有螺肉！見到佢有個好大既魚缸，有隻超巨蟹！應該係夜晚尼打邊爐用...好吸引！食個滿足既lunch先再返公司真係爽皮！！

Excellent place ideally located in Wan Chai. The private rooms are nice and perfect for business or friend gatherings. The restaurant offers many options so you never get bored even going three or four days in a row. Great staff and management too.

又到一年一度生日，又可以食好野😋每逢節日慶祝，通常都會選擇一些高級西餐廳，因覺得浪漫一些。但食得多了，總會想試試其他種類。見到OpenRice首頁廣告介紹御龍軒既海鮮火鍋，好似好新鮮，便去試試。今次計試了一個香辣雜菌花甲花蟹鍋，湯底香辣濃味，但沒遮蓋了海鮮的鮮味，依然香甜👍另點了 花雕肥牛, 花雕肥牛分量非常少（$198），價錢好像貴了一點，不過放入辣湯後，花雕的味道還keep到👍另外也點要桂花蚌，珊瑚蚌，黑松露蝦滑等，雜菇盤味道也非常鮮甜。總括：餐廳食物非常高質數，但價錢略貴，我們3位只點了5款食物連海鮮鍋，埋單共18xx，不過生日飯沒所謂啦。PS: 餐廳帶酒上去是不用開瓶費的。我們帶了2支靚紅酒上去慶祝，朋友們也很滿意😊

是日打邊爐湯底係花膠豬骨雞湯個湯底係味道相當濃郁，好有膠質味道。花膠食落都相當爽口，飲左成三碗湯先開始打。海鮮拼盤，主菜大肉蟹加龍蝦，伴花甲，我至愛的海鮮。餐廳一張大台可以打邊爐或燒，可以一蝦兩味，燒熟既龍蝦味道較為強烈，有濃郁既香味，食完口中散發淡淡既龍蝦香，而用黎打邊爐既龍蝦就鮮甜爽口，可能花膠湯底太濃變相無燒烤食落咁集中。肉蟹超級鮮甜，啖啖肉，無得輸另外叫左餐廳既兩款牛，極品手切牛肉同安格斯肥牛，其實口感兩隻都相似，但油花會係手切較為優，味道相差唔遠，但食安格斯個價錢會抵食好多。

聽朋友介紹，今晚黎呢間打邊爐，book左6點半，黎到無乜人，好正常，一黎時間早，二黎星期一一向少人出街！地點唔難搵，係大街既商業中心地庫，坐條自動梯就落到去。入到去，每位職員都好熱情有禮打招呼，餐廳環境開楊，位置寬敞，坐卡位都唔覺迫。每張枱都可以打邊同燒烤，但今晚我地淨係打邊爐！一坐底，職員就問我地飲啲咩，食咩小食，免費既，一聽到免費，就當然食住等朋友黎啦😆落單都係用呢啲點心紙，價錢寫得好清楚，某啲海鮮就海鮮價，要向職員查詢。仲有一部分既食物可以叫半份。(免費)竹蔗水夠味:唔會好似一出飲既溝水淡茂茂。花生:脆，無益味。(送的)涼拌黑木耳:蒜蓉加埋紫洋蔥，酸酸辣辣，好開胃。9格調味料，實會岩你口味，但不得不提佢呢個自家制XO醬，蝦咪瑤柱切到好細，好香好好食！下次去食，記得問佢拎丫！湯底叫左呢個辣汁雜菌花甲鍋，入面既花甲都幾多，3個人食，每人都分到7-8隻，花甲好鮮甜好爽口，但個湯底我覺得普通左少少。火鍋最愛食牛，今次叫左花雕肥牛同埋極品本地手切牛肉！花雕肥牛:用純花雕酒浸住啲肥牛，所以牛肉熟左之後，入口都有好濃的花雕味！極品本地手切牛肉:店員介紹每日新鮮去採購，賣完就冇，仲介紹呢個部位叫

第二次光顧。冬瓜湯底、好香金華火腿、湯清味美。新開張、每人送一隻南非鮑。仲送庶水、係暖庶水、窩心。海中蝦6大隻也只賣$178、非常合理。是晚朋友生日、訂座說明生日飯、再送壽飽加蠟燭+再加甜品、未試過火鍋店侍應與您一同慶祝。上至老闆經理下至送菜店員、都非常有禮。必會再來。價錢合理。一行五人、平均消費$350以這價錢、高水準食物、超級好服務態度、座位環境舒適、三五知己、不錯之選。唯一有待改善--牛肉的品質、略嫌太肥。

今晚成家去左灣仔食火鍋DINNER佢有火鍋同韓燒，但我地只係揀左火鍋湯底揀左花膠煲雞成隻雞係個湯底到，花膠都唔少，又厚身，足料！即炸響鈴，比出面原裝響鈴更脆，果然吾同啲好少見到野生原隻竹笙，很爽口！另外海鮮類好新鮮！脆魚鯇好薄！珊瑚蚌淥完後，仲好爽口，吾錯！啲蝦俾枝叉吉住左都仲係到跳，食落彈牙，夠新鮮！安格斯牛，正過平時打邊爐既肥牛令平時戒口既家人都忍唔住破戒員工會耐唔耐幫我哋換碟，有服務食完仲送甜品同生果好滿足既晚餐