鮮入圍煮花膠雞海鮮火鍋

营业中

休息中

今日约咗个朋友去鲜入围煮食个足料花胶鸡汤火锅。入面环境宽敞，最重要系冷气抽风做得好好，所以就算外面高达38度高温，都可以畅快咁打边炉。店内仲有大鱼缸，仲可以拣生猛海鲜做火锅配料。调味盘有齐打边炉必要嘅调味，不过我想讲，有鲜味嘅鸡汤已经唔再需要点任何调味。拣咗浓厚原只鸡煲花胶汤，汤底嘅颜色已经话你知佢有几真材实料。我哋得两个人，所以拣咗细份有半只鸡。店员会喺客人面前将原只鸡分成鸡件，服务细心。汤底入面布满咗花胶，够晒滋润养颜。饮汤食鸡食花胶已经半饱，所以今次冇拣太多嘅火锅配料，其中花胶鲜虾丸总共有六粒。虾丸内加有花胶，当堂名贵好多。稻庭乌冬系急冻弹牙款式，叫一个两份share分甘同味。