鮮入圍煮 (已搬遷) 新店位置

黎得呢間餐廳，一定要叫最出名嘅花膠雞湯，因為佢真係用足材料去煲呢個湯，真材實料，打邊爐之前個個都飲左碗湯先會飲，雞嘅鮮味十足，而且個湯都好creamy，飲唔停口，真係驚會飲哂冇湯打邊爐！我地叫一個鍋叫左麻辣湯底。要叫嘅打邊爐配料有幾樣一定唔少得，例如：蜂巢豆腐、響鈴、蝦滑。蜂巢豆腐同響鈴都係最吸湯汁嘅配料，呢個湯底咁正，所以一定唔可以叫少呢兩樣野！蝦滑方面，一食就知冇溝粉，好彈牙鮮味，真係唔錯。有黎食記得叫佢個花膠雞湯！