雞駅花膠雞米線專門店

营业中

休息中

喜欢食米线的我，今日嚟到呢一间位于观塘骆驼漆工厦入面嘅一间小店!!听讲呢度嘅花胶鸡汤米线系非常之出名，今日就嚟试一试佢！汤底非常之浓郁，鸡件亦都好滑，花胶嘅质素尚可！米线系有Q弹Q弹嘅感觉！整体嚟讲呢一碗招牌花胶汤米线有85分！($68)另外见到期间限定有麻药蛋($28)，就叫咗一客嚟试吓。反而呢一个麻药蛋就唔合格啦，净系肉眼睇冇乜色水就知道唔入味，咬落去亦食唔到应有嘅酱油同麻油芝麻香。呢一个极其量只可以系叫做糖心蛋上撒上芝麻同葱。主打嘅米线冇令我失望，一碗嘅价钱嚟讲份量亦都好充足，性价比高，下次会再嚟试其他米线！