White Hse. (已結業)

梦幻嘅花花布置、熟悉嘅迪士尼音乐－入到嚟依间小店感觉就好似离开咗铜锣湾闹市，可以放松同朋友倾计食饭，环境同食物仲好啱打卡添。忌廉烟肉芝士猫耳朵有晒我钟意嘅元素－加咗香草味道香浓嘅忌廉汁、拉丝芝士、香口嘅烟肉同菇菌，猫耳朵比起常见嘅pasta更有咬口同挂汁，食到最后汁都冇剩😋紫醉金迷无论个名定个样都够晒吸引～意大利饭用咗紫椰菜同忌廉煮所以呈粉紫色，食落有蒜香味，面头仲有芝士焗大虾同蚬肉，用金箔同食用花点缀，成幅画咁呢！牛油果smoothie系健康嘅选择，甜味嚟自天然嘅蜂蜜同香蕉，饮落仲几饱肚添。玫瑰花酿红茶有淡淡花香，唔甜而且好清新～