Artisan Room (已結業)

返完学见无野做就谂住系学校附近温下书，做下野，经过见到artisan room环境唔错，就入去坐底左。行近橱窗见到一个个圆圈好似donut 嘅蛋糕。佢地分别有士多啤梨同西柚芒果味。底层系软熟嘅海绵蛋糕，中间有层香滑嘅奶冻，而最上面就系一层啫喱包住鲜果同花。两款蛋糕都系走夏天路线，味道清新，有淡淡果香。当中，我认为grapefruit and mango ring 更为好味，因为相较strawberry ring,mango ring嘅味道更为突出，甜中带酸，好有盛夏嘅感觉。而strawberry ring 嘅味道较单调，但系卖相比mango ring 吸引。所以当天去到餐厅，见士多啤梨味嘅销量更高。其实2件都好似艺术品，望左好耐都唔舍得食。