花貝日本料理 (已結業)

庆祝朋友揾到新工，梗系屈佢请食饭啦，开平道呢度开咗一间新嘅日本店，咁当然要来试吓啦。今日我哋食Omakase「枫」- 1388/ 位首先出场嘅系小物同前菜。☝🏻蕃茄加海带渍物，清新得嚟带酸味，非常开胃☝🏻蝶鱼片包住葱丝，再用鱼子酱同埋金箔铺面，鱼子酱吊起蝶鱼嘅鲜味，中间嘅葱丝令口感更加丰富☝🏻两片火炙吞拿鱼包住Wasabi渍，吞拿鱼火炙过之后令油香更加突出，wasabi帮助减低拖罗既油腻感，☝🏻剌身 - 五点赤贝 ｜甜虾 ｜ 𫚭鱼 ｜ 深海池鱼｜ 拖罗呢个系店员建议我哋食嘅次序，摆盘非常之靓，有少少唔舍得食　😌赤贝系爽口同埋鲜甜、甜虾甘香。鱼类嘅刺身都非常新鲜，每一啖都系鲜味，拖罗更加系满满油香。紧贴着刺身出场嘅就系扬物｜ 煮物｜ 烧物☝🏻蟹肉可乐饼，放咗蟹膏蟹肉同埋鱼子酱金箔，个样劲豪华！可乐饼外边非常之松脆，入边包左嘅馅料系蟹肉同埋芝士，旁边仲有啲沙律菜，食埋就可以减低油腻感☝🏻烧和牛，入口即溶又带牛油香。开埋脆口嘅炸蒜片食咗更加惹味☝🏻汁烧鸡卷，肉质好嫩又Juicy，表面微脆配埋烧汁👍🏻☝🏻食事系寿司杯杯装住嘅系三文鱼子鱼子酱海胆寿司。咸香鲜甜口感味道都非常丰富。 ☝🏻甘味系雪糕