影片
更多
2018-09-23
4040 浏览
原意喺想去太子「乐汤鸡面馆」试吓佢哋嘅砂锅鸡汤面，但间铺细，却超多人晌门口排队，都唔知轮到几时，所以，即时转场，嚟𠮶时途经「芳华绝代」，从门面望落去感觉几唔错，就盲撞入去食晏，呢次真喺慌不择路，中中哋伏。餐厅分上、下两层，装修大致一样，水泥地配上窄窄嘅木枱，较特别喺柱身同横梁仲喺保持石屎原状，粗犷原始味，我估其实都有处理过啩，否则会唔会食食吓会石屎剥落或跌啲灰尘。此外，下层有啲特色嘅墙画，楼上则设有飞标机，俾客人饮吓嘢，轻松吓。嚟食午餐，所以，先介绍个午餐餐牌，包餐汤及$36以下嘅饮品，定价视乎所拣嘅主菜，由A到J共10款，款式不拘一国，定价为$78-$158 + 10%。顺便贴埋佢哋嘅主餐牌俾大家参考，如大多数西餐厅咁，有沙律、小食、意粉、薄饼、汉堡、烧烤、主菜、甜品，但较特别喺仲有啲中式小菜供应。罗宋汤餐汤就无红白拣，只有一款罗宋汤，餐汤以公鸡碗盛上，卖种型格风。但味道就唔喺好得，无乜料又无乜肉香，而且，明显喺偏咸。黑松露鸡虫菇炆伊面 $78原锅上，配个小木托盘，卖相少少别致。不过，友人误会以为有鸡肉，点解食极都喺得啲菇，睇真啲原来喺鸡虫菇，小弟就第一次听呢个名。此外，无乜松露香气
餐厅分上、下两层，装修大致一样，水泥地配上窄窄嘅木枱，较特别喺柱身同横梁仲喺保持石屎原状，粗犷原始味，我估其实都有处理过啩，否则会唔会食食吓会石屎剥落或跌啲灰尘。
此外，下层有啲特色嘅墙画，楼上则设有飞标机，俾客人饮吓嘢，轻松吓。
嚟食午餐，所以，先介绍个午餐餐牌，包餐汤及$36以下嘅饮品，定价视乎所拣嘅主菜，由A到J共10款，款式不拘一国，定价为$78-$158 + 10%。
顺便贴埋佢哋嘅主餐牌俾大家参考，如大多数西餐厅咁，有沙律、小食、意粉、薄饼、汉堡、烧烤、主菜、甜品，但较特别喺仲有啲中式小菜供应。
罗宋汤餐汤就无红白拣，只有一款罗宋汤，餐汤以公鸡碗盛上，卖种型格风。但味道就唔喺好得，无乜料又无乜肉香，而且，明显喺偏咸。
黑松露鸡虫菇炆伊面 $78原锅上，配个小木托盘，卖相少少别致。不过，友人误会以为有鸡肉，点解食极都喺得啲菇，睇真啲原来喺鸡虫菇，小弟就第一次听呢个名。此外，无乜松露香气，睇落啲面条亦唔多见点点黑色嘅松露踪影，似喺只加咗少少松露油而已。朋友就讲笑咁话，当食个干烧伊面啰，包汤、包嘢饮，抵过去酒楼架喇。
鲍鱼仔蟹肉烩饭 $88又鲍鱼（仔），又蟹肉，满心期待架，不过，睇样就知好流。食到尾，蟹肉真喺廖廖无几，而啲所谓鲍鱼仔，应该加多个「迷你」一词贴切啲，因为每粒都只哋好似个一亳咁上下大，当然，无咩鲍味啦；至于烩饭，喺我谂多咗，定喺佢哋对烩饭嘅定义就喺炒饭底加啲茨汁呢？
香橙汁烤西班牙黑豚猪扒配薯条 $108相比嚟讲，碟黑豚猪扒就似模似样好多，就算未知味道喺点，最起码件扒嘅呎吋有睇头，又烧得外观金黄带点焦香。试就无试过，而朋友就话质素唔错，入口上嚟都松化，几有猪肉味，但个烧汁加入香橙嘅元素就未够突出。
黑松露沙律酱炸薯条 +$10点午餐有个推广式嘅加配优惠，点解话喺推广式呢？因为，觉得喺店方认为喺自家拿手小食，平平哋卖出去等人上吓。不过，薯条炸得够香脆嘅，但个酱无乜黑松露香味，颇隐若。
鲜奶咖啡由于餐饮可拣$36或以下饮品，当然拣啱啱好卖$36嘅鲜奶咖啡啦！始终佢唔间咖啡店，主打亦唔喺咖啡，估唔到杯鲜奶咖啡睇得又饮得，拉花嘅卖相一啲都唔差，入口亦醇厚，口感均匀，喺今餐较出色嘅出品。
讲真，食物嘅味道就好一般，服务都喺，其实佢哋都有礼貌嘅，只喺啲店员落单时唔会写簿，凭记忆点完菜即去揿机，结果就喺漏咗客薯条。店名叫「芳华绝代」，其实，我就唔太知佢含意，不过，应该谢绝再嚟嘞。
张贴
