Uncle Pizza, Pasta & Grill (已結業)

Pizza手法层出不穷，有菠萝定无菠萝，多肉定多菜每人口味都有唔同。但嚟到呢喥一定啱你口味。事关老板会按照客人要求自订pizza，一旦成功录用更加会以客人命名成为餐厅嘅菜单之一。因此菜单上嘅pizza 名都系以客人命名，亦有唔同创意嘅pizza。而且猫老板亦会在场招呼客人，老板都会同客人倾下计，绝对系社区中嘅好聚脚地。言归正传，餐厅食物即叫即做，味道恰当，pizza 味道有惊喜，感觉到老板嘅热情。餐酒上老板亦阔绰提供比外面多的份量。【德国风情 （Uncle Ping Gor）】 - $178平哥系由德国肉肠，蜜糖芥末酱，车打芝士为组合。肉肠芝士，味道香浓纯厚，令人满足，适合食肉兽。蜜糖芥末酱能够解腻造就味道嘅平衡。pizza 低偏薄身外脆内软，容易入口。【香煎黑毛猪鞍扒配蘑菇忌廉汁】 - $238猪鞍扒厚身丰富，成块煎理应会多汁嫩口，但从切面上有煎痕可见餐厅为求快熟切开再煎熟令肉汁流失，口感略为过硬扣分。但肉质不错，酱汁味道温和。配菜亦有用心处理。综合推荐度：🌕🌕🌕🌕