Breaks

营业中

休息中

我地依 Group 大埔 After 5 友都非常少离开大埔，难得齐齐出城聚会，饮杯 ﹗琴晚大醉 ﹗Hangover 到晏昼都晕晕下，瞓到七点几先爬到起身梳流出门口乍。今晚第一次去 Breaks 就要打赛，哈哈 ﹗真系靠运气多过技术喇 ﹗Hangover 左十几个钟，饮两杯回魂黑啤都帮助唔大，要出战喇 ﹗大镬 ﹗第一次掂张枱非常唔习惯，白波高速移动，我今日仲要状态劲差，hangover 加手风麻麻，危险 ﹗系正常状能下无可能打得咁辛苦，个肥仔又唔劲，系我今晚完全打唔到水准啰，入球好靓，但经常挞死白波，黑气缠身 ﹗苦战 ﹗破唔到地狱，乌云盖顶、黑气缠身 ﹗不停地挞死，苦战下落败 ﹗肥仔您主场，您系劲既，下次无咁好采架喇 ﹗话晒都系上年过气亚军，哈哈。黑啤，唔记得叫咩名添，味道同健力士差不多，味道都好清爽甘甜。卤水鸡中翼，味道非常之浊而浓，肉质浸到又腍又霉，劣 ﹗饮醉酒佳品，醉左唔知食紧咩系最好食既 ﹗Breaks 内外都系一间好统统既外国酒吧，但供应港式小食，炒粉面饭、卤水肉食、即食汤面，劲格格不入 ﹗有张大波枱免费娱乐，有电视睇、有歌听，过得去啦，免强坐得舒服既，枱櫈堆埋一齐，好有压迫