BRICK LANE (中信大廈)

营业中

休息中

呢间香港历史悠久既主打英国菜及all day breakfast既悠闲cafe! 今晚去开金钟，呢间系商厦入面，所以收工后唔会多人，感觉更悠闲写意。餐厅沿用英伦工业风嘅装修，点少得架英伦单车摆设，更显特色，影相打卡都好正。当然必点brick lane full English All Day Breakfast，份量十足，配料丰富，包括两只鸡蛋、烟三文鱼、猪血肠、肉肠、火腿、烟肉、约克郡布丁、番茄和薯饼，食到好饱饱😂，食完饱到all day.另一款推介嘅系软壳蟹咸蛋意大利面 呢款一上枱就已经闻到香浓咸蛋味，软壳蟹🦀炸得够松脆，两者配搭一流，好Creamy 。真心推介😆，好好食。Red Velvet Cakes红丝绒蛋糕，蛋糕外型好美观，餐厅嘅主打甜品。食落去有raspberry 嘅酸酸甜甜，面头仲有朵玫瑰花点缀，感觉好浪漫，忌廉芝士又够软绵。另一款试咗佢哋金钟店限定嘅开心果慕丝蛋糕，青绿色嘅外型，食落去开心果味都突出，唔会太甜腻，饭后甜品啱晒。