影片
更多
2022-09-08
131 浏览
星期六同朋友去咗上环嘅「1908bc British Chinese」食晚饭，佢话之前返工同同事食过唔错。一到步就见到门口有幅好靓嘅孔雀墙画🦚，湖水蓝色调好舒服。餐厅名叫British Chinese，顾名思义即系主打英式中菜🇬🇧🇨🇳，或者讲口味系类近喺英国食到嘅中餐。老板介绍讲起因为之前喺英国生活过，所以想透过餐厅将有关味道呈现出来。中式炖汤($80)，🔥炖汤热辣辣送上，已经赢咗一半。汤品味道清澈，用足料煲，少油无味精，而且散发住菇菌嘅香气🍄，另外仲有瘦肉同瑶柱等，饮啖汤暖暖胃，带来满足感。香酥鸭跟薄饼($200)，香酥鸭类近北京烤鸭，同样配以薄饼包裹食用🫓。鸭肉撕至幼幼的，鸭皮炸得酥脆，夹埋薄饼、青瓜葱丝同甜酱一齐食，口感层次丰富。我认为唯一挑剔嘅地方系薄饼皮得六块，唔够包啰，哈哈😆。柚子西柠鸡($180)，呢度嘅西柠鸡别具特色，🍋柠檬柚子汁微微酸，好惹味；酱汁分开另上，唔怕整淋啲鸡。🐔鸡肉唔系用上一般鸡扒，而系选用大啖肉嘅鸡胸，再蘸满芝麻轻煎，故此食落脆卜卜，份外香口。集会脆面($170)，佢系升级版嘅银芽肉丝炒面🥢，脆面无论就咁食定捞汁食都各有千秋，因为啲面真系炸得好松脆，唔会
星期六同朋友去咗上环嘅「1908bc British Chinese」食晚饭，佢话之前返工同同事食过唔错。一到步就见到门口有幅好靓嘅孔雀墙画🦚，湖水蓝色调好舒服。
餐厅名叫British Chinese，顾名思义即系主打英式中菜🇬🇧🇨🇳，或者讲口味系类近喺英国食到嘅中餐。老板介绍讲起因为之前喺英国生活过，所以想透过餐厅将有关味道呈现出来。
中式炖汤($80)，🔥炖汤热辣辣送上，已经赢咗一半。汤品味道清澈，用足料煲，少油无味精，而且散发住菇菌嘅香气🍄，另外仲有瘦肉同瑶柱等，饮啖汤暖暖胃，带来满足感。
香酥鸭跟薄饼($200)，香酥鸭类近北京烤鸭，同样配以薄饼包裹食用🫓。鸭肉撕至幼幼的，鸭皮炸得酥脆，夹埋薄饼、青瓜葱丝同甜酱一齐食，口感层次丰富。我认为唯一挑剔嘅地方系薄饼皮得六块，唔够包啰，哈哈😆。
柚子西柠鸡($180)，呢度嘅西柠鸡别具特色，🍋柠檬柚子汁微微酸，好惹味；酱汁分开另上，唔怕整淋啲鸡。🐔鸡肉唔系用上一般鸡扒，而系选用大啖肉嘅鸡胸，再蘸满芝麻轻煎，故此食落脆卜卜，份外香口。
集会脆面($170)，佢系升级版嘅银芽肉丝炒面🥢，脆面无论就咁食定捞汁食都各有千秋，因为啲面真系炸得好松脆，唔会一饼嘢。𩠌料方面亦唔逊色，包括有鲜虾🦐、鱿鱼🦑、鸡肉同小白菜等。虽然呢样系大路菜式，不过整得好食同样能令人留下深刻印象。
‘KFC’甜酸辣椰菜花($110)，🥦椰菜花嘅调味似足韩国炸鸡，酱汁浓稠，甜酸辣三只味齐晒，好醒神🌶。椰菜花并非白烚咁简单，而系先拎去炸，形成一层薄脆炸衣，再捞上酱汁煮，烹调处理一啲都唔马虎。
饮品方面，好可惜呢日Bartender Sickleave，未能一尝餐厅嘅Cocktail😭，所以求其嗌咗杯橙汁同Ginger Ale。
餐厅环境好Chill，室内装修具气派🌟，不规则灯罩有啲似月球。佢同时设有包厢房间同露天座位，如果天气唔系咁热，坐室外一定好写意。
总括嚟讲，喺香港食英式中菜嘅体验几得意😛，坚系有啲似大学时期喺伦敦China Town食嘅口味。落咗单后同老板吹水，佢先话焗猪近嚟大受欢迎，一定要试，睇嚟要揾机会再帮衬过。
张贴
