HOKO Farm (已結業)

假期早左起身就揾朋友食早餐，点知原来荷里活广场唔系太多餐厅提供早餐，见呢间有就入去食。野菌奄烈、迷你牛角包、牛油粟米牛角包够松软几好食，但真系一口可以食完，个size非常迷你。至于野菌奄烈就好足料，而且食得出有落北海道牛乳，个蛋整得好滑身，点埋表面嘅番茄酱食非常好味。牛油粟米就一般般，冇乜牛油味。班尼迪蛋、烟三文鱼英式松饼、烟火腿鸡汤通心粉好耐冇食过班尼迪蛋，呢个配埋烟三文鱼同英式松饼食，整体感觉都好好，个蛋嘅火喉控制恰当，烟三文鱼唔会好咸，下面嘅松饼厚薄适中，好软身，切开都唔会散。通心粉就好普通，不过个鸡汤底都浓，唔系味精汤。早餐唔洗加一，有饮品送，平均五十几蚊，中规中矩可以接受嘅。