影片
更多
2011-05-11
26 浏览
今日由于乌龟要闭关，本大鲨自己游去同朋友去睇狂野时速５（Fast and Furious 5）。我地喺荃湾广场睇７：４５场，睇完行到去松记（友记隔离）大约１０：００，本身谂住仲好早应该唔会太多人，点知行到去已经有超多人喺松记等紧！唉...好彩呢条街仲有好多间糖水舖，于是我地唯有去第间。呢条街除松记同友记外，仲有：１. 明记甜品 － 不过价钱稍贵，＄３０－４０一个甜品，而且款式唔多，虽然本大鲨有８折卡，但帮衬过一次之后都唔想再去ｌｕ。２.小樽甜品屋 － 卖点系青春少艾女服务员，多数著短裙或热裤，靓唔靓就见人见智，本大鲨就费事comment不过可能由于ｄ姐姐太青春，服务系差到加零一！但各位男士如果想欣赏短裙或热裤姐姐的话应该唔会介意o既～至于甜品就大约＄３０一个，款式比较创新，例如有水果汤圆，分子甜品，不过味道就好一般，再加上各位姐姐成日嘻嘻哈哈咁做野，隋时等一个钟你都未有野食，所以鲨龟都唔钟意泥～３.沛公甜品 － 初开张时用料十足，但慢慢就愈泥愈少料...甜品价钱有平有贵，普通甜品如西米露，紫米露等只系＄９，其他特色ｄ既如千层班戟有料肠粉就大约＄２５。呢度最出名o既系榴梿甜品，鲨龟试过榴
呢条街除松记同友记外，仲有：
１. 明记甜品 － 不过价钱稍贵，＄３０－４０一个甜品，而且款式唔多，虽然本大鲨有８折卡，但帮衬过一次之后都唔想再去ｌｕ。
２.小樽甜品屋 － 卖点系青春少艾女服务员，多数著短裙或热裤，靓唔靓就见人见智，本大鲨就费事comment不过可能由于ｄ姐姐太青春，服务系差到加零一！但各位男士如果想欣赏短裙或热裤姐姐的话应该唔会介意o既～至于甜品就大约＄３０一个，款式比较创新，例如有水果汤圆，分子甜品，不过味道就好一般，再加上各位姐姐成日嘻嘻哈哈咁做野，隋时等一个钟你都未有野食，所以鲨龟都唔钟意泥～
３.沛公甜品 － 初开张时用料十足，但慢慢就愈泥愈少料...甜品价钱有平有贵，普通甜品如西米露，紫米露等只系＄９，其他特色ｄ既如千层班戟有料肠粉就大约＄２５。呢度最出名o既系榴梿甜品，鲨龟试过榴梿千层班戟同榴在心中．的确够榴够沟！不过舖内冇位，铺外好似只可以摆到一两张两人台，所以外卖会较好。
本鲨分析完之后，朋友选举o左友记，不过由于本大鲨emphasize友记食评唔多好，我地都只系贪佢唔使等位，而且冇咁多人可以坐耐ｄ吹水（好唔好味大家心照啦）。
本大鲨叫左本美人（＄２９），木瓜里面有椰果，三色蒟蒻，黑珍珠同埋椰汁冰底。一上台个本瓜有一部iphone咁高，好似好多料好正㖞！点知本鲨一”哔”...个本瓜好厚肉㖞...里面o既容量最多只只有半盒纸包饮品咁多...唔信？本大鲨运本瓜核都食到Ｎ咁多粒丫！可想而知制作人几钖住个木瓜ｄ肉啦！味道方面，椰果系罐头椰果，冇可能唔好食啦。三色蒟蒻系有三种超小型唔同颜色o既jelly，但佢地有同一种味道：冇味！黑珍珠冇味道，但硬硬地几好口感，但得个三四粒啰。椰汁冰底..真系唔睇menu都唔知个底系椰汁同冰啰！本鲨有饮到甜咪，不过椰汁味where are youuuuuuuuuuuuuuuuuuuuuuuuuuuu？而且本鲨又完全见唔到有冰，更加唔觉得有冰凉o既感觉，唔通天气热得制咁快变室温？！（嘿嘿）虽然有支饮管，但基本上系用唔著，一来本身个木瓜洞唔太冇乜野饮，二来ｄ木瓜核系咁塞住技饮管啰！本鲨冇俾ｄ核梗屎应该要还神啦
用＄２９买左小型本瓜泥食，感觉好揾笨啰！唔系松记冇位同埋朋友话泥都咪驶指意本大鲨会泥！服务冇，味道冇，价钱贵，再帮衬就笨ｌｕ～！（咁咪即系话本大鲨做咗一次笨鲨啰，唉，自古英雄难过美人关!）
更多食评可到: http://hk.myblog.yahoo.com/turtle-shark/
张贴
